اس بار اتوار کو پیش کیا جائے گا مرکزی بجٹ

آئندہ یکم فروری کو اتوار ہونے کے باوجود مالی سال۲۰۲۶۔۲۰۲۷کا بجٹ اسی دن لوک سبھا میں پیش کیا جائے گا۔
پارلیمنٹ کا سرمائی اجلاس ختم ہونے کے بعد جمعہ کو پارلیمنٹ کمپلیکس میں ایک پریس کانفرنس سے خطاب کرتے ہوئے کرن رجیجو نے کہا کہ بجٹ یکم فروری کو ہی پارلیمنٹ میں پیش کیا جائے گا۔ بجٹ کی تاریخ کے بارے میں نامہ نگاروں کے سوالات پر انہوں نے کہا’’دن انگریزوں نے بنائے تھے ، دن سے کوئی فرق نہیں پڑے گا۔ بجٹ یکم فروری کو ہی پیش کیا جائے گا‘‘۔
قابلِ ذکر ہے کہ مرکزی حکومت کا بجٹ ۲۰۱۷سے ہر سال یکم فروری کو ہی پارلیمنٹ میں پیش کیا جاتا ہے ۔ آئندہ یکم فروری کو اتوار پڑ رہا ہے ، جبکہ پارلیمنٹ کے اجلاس کے دوران ہفتہ اور اتوار کو عام طور پر چھٹی ہوتی ہے ۔
۲۰۱۷سے پہلے بجٹ عام طور پر ۲۸فروری کو پیش کیا جاتا تھا اور اس پر پارلیمنٹ کی مہر لگنے میں اپریل تک کا وقت لگ جاتا تھا۔ مودی حکومت نے اس روایت کو بدلتے ہوئے بجٹ پیش کرنے کی تاریخ یکم فروری کر دی تاکہ اسے اگلے مالی سال کے شروع ہونے سے پہلے منظور کرایا جا سکے ۔
ملک میں مالی سال یکم اپریل سے۳۱مارچ تک چلتا ہے ۔