متوفین کے لواحقین کیلئے۱۰ لاکھ روپے زخمیوں کیلئے ایک لاکھ روپے کی امداد

سرینگر/۱۵ نومبر
جموں کشمیر حکومت نے نوگام پولیس اسٹیشن دھماکے کے متاثرین کیلئے وزیراعلیٰ ریلیف فنڈ سے معاوضے کا اعلان کیا ہے۔
وزیر صحت و طبی تعلیم سکینہ اِیتو نے بتایا کہ وزیراعلیٰ عمر عبداللہ کی ہدایات پر ہر جان بحق شخص کے لواحقین کو ۱۰ لاکھ روپے جبکہ ہر زخمی کو ایک لاکھ روپے فراہم کیے جائیں گے۔
اْجالا اسپتال میں زخمیوں کی عیادت کے بعد میڈیا سے بات کرتے ہوئے وزیر نے بتایا کہ اس المناک حادثے میں۹؍افراد جاں بحق جبکہ ۳۰کے قریب زخمی ہوئے۔
ایتو نے کہا کہ ایس ایم ایچ ایس اسپتال میں زیر علاج کئی زخمیوں کو فارغ کیا گیا ہے، جبکہ ۲۰ کے قریب مریض اجالا اسپتال میں زیر علاج ہیں۔ ایک دو مریض آئی سی یو میں ہیں مگر حالت مستحکم ہے۔
اِیتو نے طبی عملے کی فوری کارروائی کی تعریف کرتے ہوئے کہا’’اْجالا اسپتال کی ٹیم نے بہترین کام کیا۔ سی ایم او اور ایس ایم ایچ ایس کے ڈاکٹرز فوراً پہنچے اور تمام زخمیوں کے علاج کیلئے پوری رات کام کیا‘‘۔
وزیر نے متعدد جاں بحق افراد کے گھروں کا دورہ بھی کیا۔
ایتو نے کہا’’وزیراعلیٰ کی ہدایات کے مطابق حکومت ہر متاثرہ خاندان کو ۱۰لاکھ روپے اور ہر زخمی کو ایک لاکھ روپے فراہم کرے گی۔‘‘