وزیراعظم مودی نے مضبوط ہوتی معیشت کے اعتماد پر ہردیپ سنگھ پوری کا مضمون شیئر کیا

نئی دہلی، 13 اکتوبر (یو این آئی) وزیرِاعظم نریندر مودی نے مرکزی وزیر ہردیپ سنگھ پوری کا ایک مضمون شیئر کیا ہے ، جس میں وسعت، مہارت اور خود انحصاری کے ذریعے ترقی کے بارے میں ہندوستان کے منفرد نقطئہ نظر کا ذکر کیا گیا ہے ۔
وزیرِاعظم مودی نے سوشل میڈیا پلیٹ فارم ایکس پر ہردیپ سنگھ پوری کا مضمون شیئر کرتے ہوئے لکھا، ”مسٹر پوری نے اپنے مضمون میں اس بات پر روشنی ڈالی ہے کہ جہاں ترقی یافتہ ممالک محدود ہوتے جا رہے ہیں، وہیں ہندوستان وسعت، مہارت اور خود انحصاری کے ذریعے ایک الگ راستہ اپنا رہا ہے ۔ اصلاحات، ڈیجیٹل اختراع اور نوجوان افرادی قوت ہندوستان کو دنیا کے ترقیاتی انجن کے طور پر ابھرنے میں مدد کر رہی ہے ۔”
مسٹر ہردیپ سنگھ پوری نے ایک انگریزی روزنامہ میں لکھا، ”جیسے پورے ہندوستان میں دیے جلائے جاتے ہیں، رامائن کا ایک لازوال منظر ہمارے موجودہ وقت کو بیان کرتا ہے ، ہنومان اپنی طاقت کے بارے میں غیر یقینی کے عالم میں سمندر کے کنارے کھڑے ہیں، جب تک جامبونت انہیں ان کی طاقت یاد نہیں دلاتے کہ ان کے پاس کیا ہے ۔ اس کے بعد جو جست لگتی ہے ، وہ کوئی معجزہ نہیں بلکہ خود اعتمادی کا مظاہرہ ہے ۔
وزیرِاعظم نریندر مودی ہندوستانی معیشت کو اسی سمت میں تیار کر رہے ہیں، ایک ایسی معیشت جو عالمی ہلچل سے ابھرنے کے لیے اپنی اندرونی طاقت کو مجتمع کر رہی ہے ۔ جیسے جیسے دنیا نئے ویزا رکاوٹوں اور ٹیرف کی وجہ سے سکڑ رہی ہے ، ویسے ہی مودی جی کی قیادت میں ہندوستان اپنے اعتماد کو وسعت دے کر چیلنجوں کے باوجود آگے بڑھ رہا ہے ۔”