اونتی پورہ میں این ڈی پی ایس ایکٹ کے تحت گاڑی ضبط:پولیس

سرینگر/۱۳؍اکتوبر
پولیس نے جنوبی کشمیر کے اونتی پورہ میں این ڈی پی ایس ایکٹ کے تحت ایک گاڑی کو ضبط کیا ہے ۔
ایک پولیس ترجمان نے بتایا کہ پولیس اسٹیشن پامپور کی ایک ٹیم نے قانونی اختیارات استعمال کرتے ہوئے ایک ٹویوٹا انووا گاڑی کو ضبط کیا۔
ایک پولیس ترجمان نے کہا کہ یہ گاڑی فردوس احمد میر عرف’فر کوڈین‘ولد غلام حسن میر ساکن کدلہ بل پامپور کی ملکیت ہے ۔
ان کا کہنا ہے کہ یہ کارروائی این ڈی پی ایس ایکٹ کی دفعہ ایف۶۸کے عمل میں لائی گئی۔
پولیس ترجمان نے بتایا کہ یہ اقدام اونتی پورہ پولیس کی منشیات کے خلاف وسیع حکمت عملی کا حصہ ہے جس کا مقصد نہ صرف مجرموں کے خلاف قانونی کارروائی کرنا ہے بلکہ منشیات کے کاروبار سے حاصل ہونے والے مالی فوائد اور اثاثوں پر بھی ضرب لگانا ہے ۔
انہوں نے کہا کہ اونتی پورہ پولیس منشیات فروشوں، سپلائروں اور ان کے سہولت کاروں کے خلاف سخت کارروائیاں انجام دینے کیلئے پر عزم ہے ۔
پولیس نے لوگوں سے منشیات کے خلاف مہم میں تعاون کرنے کی اپیل کی ہے ۔