سرینگر/۶۲ ستمبر
لیفٹیننٹ گورنر منوج سنہا نے آج کہا کہ جموںکشمیر میں دہشت گردی کےخلاف جنگ ابھی ختم نہیں ہوئی ہے ۔
سنہا نے جمعہ کوراج بھون سرینگر میں یونائیٹڈ ہیڈکوارٹرز (یو ایچ کیو) کی اہم میٹنگ کی صدارت کی جس میں موجودہ سکیورٹی صورتحال کا تفصیلی جائزہ لیا گیا۔
میٹنگ میں ناردرن آرمی کمانڈر لیفٹیننٹ جنرل پرتیک شرما، چیف سکریٹری اتل ڈولو، ڈائریکٹر جنرل پولیس نلِن پربھات، کور کمانڈرز ۵۱/۶۱اور۹ویں کورز، ائیر وائس مارشل وکاس شرما، اسپیشل ڈی جی کوآرڈینیشن ایس جے ایم گلانی، پرنسپل سکریٹری ہوم چندرکر بھارتی، اے ڈی جی پی سی آئی ڈی نِتیش کمار اور دیگر سول، فوجی و انٹیلی جنس اداروں کے اعلیٰ افسران شریک ہوئے۔
لیفٹیننٹ گورنر نے حالیہ کامیاب انسداد دہشت گردی آپریشنز پر سکیورٹی فورسز، پولیس اور انٹیلی جنس ایجنسیوں کو مبارکباد دی اور کہا کہ دہشت گردی کے خلاف جنگ ابھی ختم نہیں ہوئی ہے۔ انہوں نے واضح کیا کہ کینیٹک اور نان کینیٹک آپریشنز دونوں کو جاری رکھتے ہوئے دہشت گردوں اور ان کے پورے نیٹ ورک کے خلاف سخت کارروائی کی جائے۔
سنہا نے فورسز کو ہدایت دی کہ وہ بدلتی ہوئی صورتحال اور نئے خطرات کے پیش نظر اپنی حکمت عملی میں مسلسل بہتری لائیں اور پیشگی اقدامات کے ذریعے امن و سلامتی کو یقینی بنائیں۔
ایل جی سنہا نے ریڈیکلائزیشن اور منشیات کے پھیلاو ¿ کو سنگین خطرہ قرار دیتے ہوئے اس پر قابو پانے کےلئے ہول آف گورنمنٹ اپروچ اپنانے پر بھی زور دیا۔
(ڈی پی آئی آر )
