آپریشن سندور:پاکستان کو 30 منٹ بعد مطلع کیا گیا:جئے شنکر

وزیر خارجہ ایس جئے شنکر نے آج واضح کیا کہ ’آپریشن سندور‘کی معلومات پاکستان کو کب فراہم کی گئی۔ انہوں نے کہا کہ اسلام آباد کو 7 مئی کی صبح جب مسلح افواج نے پاکستان اور پاکستان کے زیر انتظام کشمیر میں دہشت گردوں کے مراکز پر ضرب لگائی، تیس منٹ بعد مطلع کیا گیا۔
ان کاکہنا تھا”پاکستان کو دہشت گردی کے مراکز پر حملے کے 30 منٹ بعد مطلع کیا گیا“۔ انہوں نے آج صبح دہلی میں وزارت خارجہ کی مشاورتی کمیٹی کے اجلاس کے دوران وضاحت کی۔
جئے شنکر نے اس بیان کے ذریعے کانگریس کے اس الزام کی تردید کی کہ پاکستان کو آپریشن سے پہلے اطلاع دی گئی تھی۔ ”یہ حقائق کی بے بنیاد پیشکش ہے“۔
وزیر خارجہ نے زور دیا کہ پاکستان کو آپریشن کے بارے میں پریس انفارمیشن بیورو (PIB) کی پریس ریلیز کے بعد پیغام پہنچایا گیا تھا۔ ” خارجہ سیکریٹری کو رات کے ۰۳:۱ بجے آپریشن کی بریفنگ دی گئی، جس کے بعد PIB کا بیان آیا۔ اس کے بعد، ملٹری آپریشنز کے ڈائریکٹر جنرل (DGMO) نے پاکستان میں اپنے ہم منصب کو آپریشن کے بارے میں بتایا“۔
راہول گاندھی نے ’آپریشن سندور‘ پر وزیر خارجہ سے سوالات اٹھائے ہیں، جوپہلگام دہشت گرد حملے کے جواب میں شروع کیا گیا تھا۔ یہ دعویٰ کرتے ہوئے کہ بھارت کی خارجہ پالیسی ’نیچے آ گئی ہے‘،گاندھی نے وزیر خارجہ سے پوچھا کہ ”بھارت کو پاکستان کے ساتھ کیوں موازنہ کیا جا رہا ہے؟“