جل جیون مشن میں بے ضابطگیوں کی تحقیقات کیلئے ہاؤس کمیٹی تشکیل

جموں//
جموں کشمیر قانون ساز اسمبلی کے اسپیکر ‘عبدالرحیم راتھر نے چہارشنبہ کے روز جموں کشمیر میں جل جیون مشن میں مبینہ بے ضابطگیوں کی تحقیقات کیلئے ایک ہاؤس کمیٹی تشکیل دینے کا حکم دیا ہے۔
اسپیکر نے ایک حکم میں کہا’’جموں کشمیر قانون ساز اسمبلی کے اسپیکر ایڈوکیٹ عبدالرحیم راتھر نے کہا کہ مرکز کے زیر انتظام جموں کشمیر میں جل جیون مشن (جے جے ایم) کے نفاذ میں مبینہ بے ضابطگیوں کی تحقیقات کیلئے ایوان کے فلور پر موجود معزز ارکان کے مطالبے کے پیش نظر ایک ہاؤس کمیٹی تشکیل دی جائے‘‘۔
جسٹس (ر) حسنین مسعودی کمیٹی کے چیئرمین ہوں گے جبکہ ممبران میں راجیو جسروٹیا، ایم وائی تاریگامی، علی محمد ڈار، رنبیر سنگھ پٹھانیہ، تنویر صادق، جاوید ریاض (بیدار)، مظفر اقبال خان، رفیق احمد نائیک، ارجن سنگھ راجو اور افتخار احمد شامل ہیں۔