نو یوگ ٹنل ڈاکٹر منموہن سنگھ سے منسوب کی جائے :کانگریس

سرینگر//
جموںکشمیر کانگریس کے سینئر لیڈر غلام احمد میر نے پیر کے روز کہاکہ نو یوگ ٹنل ڈاکٹر منموہن سنگھ سے منسوب کی جانے چاہئے ۔
میر نے کہاکہ ڈاکٹر منموہن سنگھ کے دور حکومت میں ہی سرینگر جموں قومی شاہراہ پر فور لین پر کام شروع کیا گیا تھا۔
ان باتوں کا اظہار کانگریسی لیڈرنے یہاں نامہ نگاروں سے بات چیت کے دوران کیا۔
میر نے کہاکہ یکم جنوری سے لے کر چھ جنوری تک محکمہ موسمیات نے برف باری کا امکان ظاہر کیا ہے جس کے پیش نظر تمام محکموں کو الرٹ پر رہنے کی ہدایت دی گئی۔
کانگریس کے ممبر ااسمبلی نے کہاکہ کل ہی وزیر اعلیٰ عمر عبداللہ نے تمام محکموں کے کام کاج کا جائزہ لیا اور متعلقین کو ہدایت دی گئی کہ وقت مقررہ کے اندرا ندر کام کو مکمل کیا جائے ۔
ان کے مطابق حالیہ برف باری کے دوران سرکاری محکموں نے بہتر کام کیا لیکن کچھ کنفیویژن بھی ہوا اور اس کی بنیادی وجہ جموں وکشمیر تنظیم نو ایکٹ ہے ۔
کانگریس کے سینئر لیڈر سے جب سالانہ کلینڈر میں مرحوم شیخ محمد عبداللہ کا یوم پیدائش غائب ہے تواس کے جواب میں غلام احمد میر نے کہاکہ کلینڈر کو پبلک میں آنے دیجئے تب اس پر بات کروں گا۔انہوں نے کہاکہ کلینڈر پر کس کا کنٹرول ہے یہ دیکھنا ابھی باقی ہے ۔
میر نے ایک اورسوال کے جواب میں کہاکہ نو یوگ ٹنل کو ڈاکٹر منموہن سنگھ کے نام سے منسوب کرنا بہتر فیصلہ ہوگا کیونکہ آنجہانی کے دور میں ہی سری نگر جموں شاہراہ پر ٹنل کا کام شروع کیا گیا تھا۔