خصوصی درجہ کی قرار داد:بی جے پی نے فرضی اسمبلی منعقد کی

سرینگر///
خصوصی درجے کی قرار داد کے خلاف احتجاج پر آدھے ارکین کے مارشل آئوٹ اور آدھے کے واک آئوٹ کرنے کے بعد بی جے پی اراکین نے جمعہ کو اسمبلی کے لان میں فرضی اجلاس منعقد کیا۔
بی جے پی کے ممبران اسمبلی لان میں جمع ہوئے اور ایک فرضی اسمبلی کا انعقاد کیا جس میں انہوں نے خصوصی حیثیت کی بحالی سے متعلق ایوان کی قرارداد کو ’غیر قانونی‘ اور ’غیر آئینی‘قرار دیا۔
قائد حزب اختلاف سنیل کمار شرما نے میڈیا کو بتایا’’ہم دھرنے پر بیٹھیں گے اور متوازی اجلاس منعقد کریں گ‘‘’۔بی جے پی ممبران نے کہا’’ فرضی اسمبلی نیشنل کانفرنس کے خلاف بطوراحتجاج منعقد کی گئی جس نے ایوان کو ’ہائی جیک‘کر لیا ہے ‘‘۔
قبل ازیں خصوصی درجے کی قرار داد کے خلاف احتجاج کرنے پر بی جے پی کے۱۲؍ایم ایل ایز کو ایوان سے باہر کردیا گیا تھا جبکہ پارٹی کے۱۱؍ایم ایل ایز نے بعد میں ایوان سے واک آؤٹ کیا۔
جموںکشمیر اسمبلی میں بی جے پی کے۲۸؍اراکین ہیں۔