اکھنور سیکٹر میں پاکستان کی بلا اشتعال فائرنگ‘جوان زخمی

جموں//
جموں کے اکھنور سیکٹر میں بین الاقوامی سرحد پر پاکستانی فوج کی بلا اشتعال فائرنگ کے نتیجے میں ایک بی ایس ایف اہلکار زخمی ہوا۔
ایک دفاعی ترجمان نے بتایا کہ جموں کے اکھنور سیکٹر میں بین الاقوامی سرحد پر بدھ کی علی الصبح۲بجکر۳۵منٹ پر سرحد پار سے بلا اشتعال فائرنگ کا ایک واقعہ پیش آیا۔
ترجمان نے کہا کہ وہاں تعینات بی ایس ایف جوانوں نے اس فائرنگ کا بھر پور جواب دیا۔
ان کا کہنا تھا کہ فائرنگ کے اس واقعے میں بی ایس ایف کا ایک جوان زخمی ہوا۔ترجمان نے کہا کہ واقعے کے بعد جوان الرٹ پر ہیں۔
بتادیں کہ جموں و کشمیر میں تین مرحلوں پر محیط اسمبلی انتخابات کے لئے اکھنور سیکٹر کی پولنگ تیسرے مرحلے یعنی یکم اکتوبر کو ہوگی۔