جموں کشمیر میںنچلی سطح کی جمہوریت مضبوط ہوئی:شاہ

نئی دہلی//
مرکزی وزیر داخلہ امت شاہ نے جموں و کشمیر سے دفعہ۳۷۰کو ہٹائے جانے کے پانچ سال مکمل ہونے کے موقع پر پیر کو کہا کہ اس سے جموں و کشمیر اور لداخ میں نچلی سطح پر جمہوریت مضبوط ہوئی ہے ۔
شاہ نے سوشل میڈیا پر ایک پوسٹ میں کہا’’وزیر اعظم نریندر مودی کی قیادت میں آرٹیکل۳۷۰؍اور ۳۵؍اے کی تاریخی منسوخی کے پانچ سال مکمل ہو گئے ہیں۔ اس تبدیلی کے فیصلے نے پسماندہ طبقات کو بااختیار بنانے کے ایک نئے دور کا آغاز کیا ہے اور جموں و کشمیر اور لداخ میں نچلی سطح پر جمہوریت کو مضبوط کیا ہے ‘‘۔
وزیر داخلہ نے کہا ’’خطے کے نوجوانوں نے سماجی و اقتصادی ترقی اور ثقافتی احیاء کو آگے بڑھایا ہے ، جس سے امن اور جامع ترقی کو فروغ دینے کی مودی حکومت کی کوششوں کو بڑی کامیابی ملی ہے ‘‘۔
شاہ نے کہا’’ہم اس تاریخی فیصلے کے لیے مودی جی کا شکریہ ادا کرتے ہیں اور خطے کی امنگوں اور تبدیلی کی پیش رفت کو آگے بڑھانے کے لیے اپنی لگن کا اعادہ کرتے ہیں‘‘۔
قابل ذکر ہے کہ آج کے دن یعنی پانچ سال قبل مودی حکومت نے جموں و کشمیر سے متعلق آرٹیکل۳۷۰کو منسوخ کر دیا تھا۔