’کشمیر میں معیاری مقامی فلمیں بنائی جا رہی ہیں‘

سرینگر//
معروف بالی ووڈ ڈائریکٹر مدھر بھنڈارکر کا کہنا ہے کہ کشمیر میں اعلیٰ معیار کی مقامی فلمیں بنائی جا رہی ہیں اور یہاں کے ادا کاروں میں صلاحیت کی کوئی کمی نہیں ہے ۔
بھنڈارکر نے کہا کہ جموں کشمیر کے لیفٹیننٹ گورنر منوج سنہا نے یہاں جے کے فلم کنکلیو کا انعقاد کرکے ایک اچھا قدم اٹھایا ہے ۔
ڈائریکٹر جو اس کنکلیو میں حصہ لے رہے ہیں ، نے یہاں جمعرات کو میڈیا کے ساتھ بات کرتے ہوئے کہا’’میں نے کئی مقامی فلمیں دیکھی جو کمال کی ہیں اور یہاں کے ادا کاروں میں صلاحیت کی کوئی کمی نہیں ہے ‘‘۔
بھنڈارکر نے کہا یہاں کشمیر میں بالی ووڈ اور سوتھ کی فلموں کی شوٹنگ ہو رہی ہے جس سے یہاں کے مقامی ادا کاروں کو کام ملتا ہے ۔
ان کا کہنا تھا کہ لیفٹیننٹ گورنر نے جو یہاں جے کے فلم کنکلیو منعقد کرنے کا قدم اٹھایا ہے یہ ایک بہترین قدم ہے جس سے ملک بھر میں یہ پیغام جائے گا کہ کشمیر کھلا ہے ۔
بھنڈراکر نے بتایا کہ اس کنکلیو کے لئے میں انتظامیہ اور لوگوں کو مبارک باد دیتا ہوں۔انہوں نے کہا’’ہم چاہتے ہیں کہ جس طرح یہاں۶۰‘۷۰ یا۸۰کی دہائیوں میں فلموں کی شوٹنگ ہوتی تھی وہ دور دربارہ زندہ ہوجائے ‘‘۔
بالی ڈائریکٹر کا کہنا تھا’’ہم چاہتے ہیں کہ کشمیر میں شعبہ سیاحت کو فروغ ملے اور یہاں کے مقامی لوگوں کو زیادہ سے زیادہ روزگا ملے ۔‘‘