وائیناڈ/۳۰جولائی
کیرالہ کے وائیناڈ میں موسلادھار بارش کی وجہ سے دیر رات 4 مختلف مقامات پر بڑے پیمانہ پر مٹی کے تودے گرنے سے اب تک 56 افراد ہلاک ہوچکے ہیں جب کہ بڑی تعداد میںافراد کے لاپتہ ہونے کی اطلاع ہے ۔
وزیراعظم مودی نے کیرالہ کے وائیناڈ کے کچھ حصوں میں مٹی کے تودے گرنے سے ہوئے جانوں کے اتلاف پر گہرے رنج وغم کا اظہار کیا ہے ۔ انہوں نے کیرالہ کے وزیر اعلیٰ پنارائی وجیئن سے بھی بات کی ہے اور وہاں کی موجودہ صورتحال کے پیش نظر ،مرکزی حکومت کی طرف سے ہر ممکن مدد کا یقین دلایا ہے ۔
وزیر اعظم نے پی ایم این آ ر ایف سے مرنے والوں کے لواحقین کے لئے دو-دو لاکھ روپے اور زخمیوں کے لیے 50 -50ہزارروپے کی نقدامداد کا بھی اعلان کیا۔
کیرالہ کے وائیناڈ ضلع میں شدید بارش کے بعد لینڈ سلائیڈنگ نے تباہی مچا دی ہے ۔ آج صبح میپڈی کے قریب مختلف پہاڑی علاقوں میں لینڈ سلائیڈنگ ہوئی۔ مندکئی اور چورلمالا قصبے میں سینکڑوں مکانات، گاڑیاں اور دکانیں پانی میں ڈوب گئیں۔ اس حادثے میں اب تک56 افراد ہلاک جب کہ سینکڑوں افراد پھنسے ہوئے ہیں۔
کیرالہ اسٹیٹ ڈیزاسٹر مینجمنٹ اتھارٹی (کے ایس ڈی ایم اے ) نے کہا کہ کئی ٹیمیں متاثرہ علاقوں میں امدادی کارروائیوں کے لیے بھیجی گئی ہیں۔ تاہم شدید بارشوں کی وجہ سے راحت اور بچا¶ کاموں میں کافی مشکلات پیش آ رہی ہیں۔
ایس ڈی آر ایف اور این ڈی آر ایف کی ٹیمیں ریسکیو کے لیے موقع پر موجود ہیں۔ کنور سے 225 فوجی جوانوں کو وائیناڈ بھیجا گیا ہے ۔ اس میں میڈیکل ٹیم بھی شامل ہے ۔ اس کے علاوہ فضائیہ کے دو ہیلی کاپٹر بھی ریسکیو آپریشن میں مصروف ہیں۔
وائیناڈکے 4 گا¶وں منڈکئی، چورامالا، اٹامالا اور نول پوزا میں لینڈ سلائیڈنگ ہوئی ہے جس۔ پانچ سال قبل 2019 میں بھی انہی گا¶وں میں مٹی کے تودے گرنے کا واقعہ پیش آیا تھا جس میں 17 افراد ہلاک ہو گئے تھے ۔
وائیناڈکے علاوہ محکمہ موسمیات نے آج کوژی کوڈ، ملاپورم اور کاسرگوڈ میں بھی بارش کے لیے ریڈ الرٹ جاری کیا ہے ۔ یعنی آج بھی یہاں موسلادھار بارش کا امکان ہے ۔
