بی جے پی کا سابق سرپنچ ہلاک ‘غیر مقامی سیاح جوڑا زخمی

سرینگر/ 18 مئی
جنوبی کشمیر کے شوپیاں ضلع میں حکمراں جماعت بھارتیہ جنتا پارٹی (بی جے پی) سے وابستہ ایک سابق سرپنچ کو گولی مار کر ہلاک کر دیا گیا۔
پولیس ذرائع نے بتایا کہ اعجاز احمد شیخ پر دہشت گردوں نے شوپیاں کے علاقے ہیرپورہ میں فائرنگ کی۔فائرنگ سے زخمی شیخ کو گرچہ ہسپتال پہنچایا گیا لیکن وہ زخموں کی تاب نہ لاکر دم تو ڑ بیٹھا۔
اس دوران جنوبی کشمیر کے اننت ناگ میں دہشت گردوں نے ایک خاتون اور اس کے شوہر کو گولی مار کر زخمی کر دیا۔
خاتون کی شناخت جے پور کی رہنے والی فرحہ کے طور پر کی گئی ہے جبکہ اس کے شوہر کا نام تبریز ہے۔ کہا جاتا ہے کہ وہ اننت ناگ کے یانار کے تبریز کی بیوی ہے۔
پولیس کا کہنا ہے کہ زخمی خاتون کو علاج کے لیے اسپتال منتقل کردیا گیا ہے جبکہ علاقے کو گھیرے میں لے لیا گیا ہے۔
یاد رہے کہ اننت ناگ پارلیمانی حلقے میں ووٹنگ 25مئی کو ہورہی ہے اور اس سلسلے میں جنوبی کشمیر میں سکیورٹی کے سخت انتظامات کئے گئے ہیں۔