چوتھا مرحلہ:۹۶لوک سبھا حلقوں میں۶۳فیصد ووٹنگ

نئی دہلی//
۱۰ریاستوں اور مرکز کے زیر انتظام علاقوں کی ۹۶پارلیمانی نشستوں کے ابتدائی اعداد و شمار کے مطابق پیر کو لوک سبھا انتخابات کے چوتھے مرحلے میں۱۸ء۶۳فیصد ووٹروں نے اپنا ووٹ ڈالا۔
چوتھے مرحلے میں آندھرا پردیش اسمبلی کی تمام۱۷۵سیٹوں اور اوڈیشہ اسمبلی انتخابات کے پہلے مرحلے میں۲۸سیٹوں پر ووٹنگ ہوئی۔
شام ساڈھے آٹھ بجے تک الیکشن کمیشن کی طرف سے فراہم کردہ اعداد و شمار کے مطابق ان دونوں ریاستوں میں اسمبلی انتخابات میں بالترتیب۲۰ء۶۸؍اور۲۳ء۶۴فیصد ووٹنگ ہوئی۔
ووٹنگ صبح سات بجے شروع ہوئی اور شام چھ بجے تک جاری رہی۔ بعض مقامات پر ووٹنگ کا وقت شام۷بجے تک بڑھا دیا گیا۔ کمیشن کے ذرائع نے بتایا کہ لوک سبھا اور اسمبلی حلقوں میں ووٹنگ مجموعی طور پر پرامن رہی۔
جموں و کشمیر کی سری نگر سیٹ سمیت کئی حلقوں کے کچھ پولنگ اسٹیشنوں پر ووٹروں کی لمبی قطاریں دیکھی گئیں۔ دیہی علاقوں میں بہت سے ووٹروں کو اپنے روایتی لباس میں دیکھا گیا۔
چوتھے مرحلے میں سب سے زیادہ۰۸ء۷۶ فیصد ووٹنگ مغربی بنگال میں ہوئی، جب کہ آندھرا پردیش میں۲۰ء۶۸فیصد‘ بہار میں۱۲ء۵۶فیصد‘ جھارکھنڈ میں۳۰ء۶۴فیصد، مدھیہ پردیش میں۳۵ء۷۰فیصد‘ مہاراشٹر میں۰۶ء۵۳فیصد‘اوڈیشہ، تلنگانہ میں۶۹ء۶۱فیصد‘ اتر پردیش میں۰۲ء۵۸فیصد ووٹروں نے اپنا حق رائے دہی استعمال کیا۔
جموں و کشمیر میں دفعہ۳۷۰کی منسوخی کے بعد ہونے والے پہلے انتخابات میں سری نگر کی سیٹ پر۳۷فیصد ووٹرز نے اپنا حق رائے دہی استعمال کیا۔
چوتھے مرحلے کی ووٹنگ کی تکمیل کے ساتھ ہی ۵۴۳ممبران اسمبلی حلقوں میں سے۳۷۹میں ووٹنگ کا عمل مکمل ہو گیا ہے ۔