سنہا کی شری گرو گوبند سنگھ جی کے پرکاش پورب پر لوگوں کو مبارک باد

سرینگر//
جموں کشمیر کے لیفٹیننٹ گورنر ‘منوج سنہا نے شری گرو گوبند سنگھ جی کے پرکاش پورب کے موقع پر لوگوں کو مبارک باد پیش کی ہے ۔
سنہا نے کہا کہ گرو جی کے نظریات دنیا بھر کیلئے مشعل راہ ہیں۔
لیفٹیننٹ گورنر نے بدھ کے روز’ایکس‘پر اپنے ایک پوسٹ میں لوگوں کو مبارک باد پیش کرتے ہوئے کہا’’شری گرو گوبند سنگھ جی کے پرکاش پورب کے موقع پر لوگوں کو مبارکباد پیش کرتا ہوں‘‘۔
سنہا نے کہا’’گرو جی ہمت، صداقت اور عالمگیر بھائی چارے کے مجسم تھے اور ان کے نظریات دنیا کیلئے مشعل راہ ہیں‘‘۔ان کا کہنا تھا’’آئیے ہم خود کو ان کی تعلیمات اور انسانیت اور ہم آہنگی کیلئے وقف کریں‘‘۔
شری گرو گوبند جی سکھ مذہب کے دسویں گرو ہیں۔ وہ ایک شاعر اور فلسفی تھے اور انہیں سال۱۶۷۵میں نو برس کی عمر میں با ضابطہ طور پر سکھ مذہب کا گرو مقرر کیا گیا۔ان کے والد گرو تیغ بہادر سکھ مذہب کے نویں گرو تھے ۔