سرینگر جموں شاہراہ پر ٹریف جزوی طور پر بحال

سرینگر//
حکام نے پیر کی سہ پہر سرینگر جموں ہائی وے پر ٹریفک بحال کر دی۔
ٹریفک پولیس کے ایک ترجمان نے ایکس پر کہا’’تین بج کر ۴۰ منٹ پر ٹریفک کی تازہ کاری۔قومی شاہراہ ۴۴ پر رامبن پر ٹریفک جزوی طور پر بحال ہوا ہے۔ لوگوں کو مشورہ دیا جاتا ہے کہ وہ لین ڈسپلن پر عمل کریں۔ اوور ٹیکنگ بھیڑ کا باعث بن سکتی ہے‘‘۔
اس سے پہلے وادی کشمیر کو ملک کے باقی حصوں کے ساتھ جوڑنے والی سرینگر، جموں قومی شاہرا پر رام بن میں چٹانیں کھسک آنے کے پیش نظر ٹریفک کی نقل و حمل بند کر دی گئی تھی ۔
حکام نے لوگوں سے قومی شاہراہ پر سفر کرنے سے پہلے ٹریفک کنٹرول یونٹوں کی طرف رجوع کرنے کی صلاح دی ہے ۔
جموں و کشمیر ٹریفک پولیس نے پیر کے روز ’ایکس‘پر ایک پوسٹ کے ذریعے جانکاری فراہم کرتے ہوئے کہا’’سرینگر، جموں قومی شاہراہ پر رام بن میں چٹانیں کھسک آنے کے پیش نظر ٹریفک کی دو طرفہ نقل و حمل بند کر دی گئی ہے ‘‘۔
پوسٹ میں مزید کہا گیا’’لوگوں کو صلاح دی جاتی ہے کہ وہ قومی شاہراہ پر سفر کرنے سے قبل ٹریفک کنٹرول یونٹوں کی طرف رجوع کریں‘‘۔
ادھر جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ اور وادی کو لداخ یونین ٹریٹری کے ساتھ جوڑنے والی سرینگر‘ لیہہ شاہراہ پر ٹریفک کی نقل و حمل حسب معمول جاری ہے ۔
اس سے قبل کیلم مورڈ کے قریب لینڈ سلائیڈنگ اور پتھراؤ نے ہائی وے کو بند کرنے پر مجبور کر دیا تھا۔