بارہمولہ میں پولیس ہیڈ کانسٹیبل پر فائرنگ ‘حالت نازک:پولیس

بارہمولہ/ 31 اکتوبر
شمالی کشمیر کے بارہمولہ ضلع کے وائلو علاقے میں منگل کو ایک دہشت گردانہ حملے میں ایک پولس اہلکار شدید زخمی ہو گیا۔
’ایکس‘ پر ایک پولیس ترجمان نے کہا”دہشت گردوں نے جموں کشمیر پولیس کے ایک اہلکار‘ہیڈکانسٹیبل‘غلام محمد دار ساکن وائلو کرالپورہ بارہمولہ میں اس کی رہائش گاہ پر فائرنگ کی۔ اسے علاج کے لیے سب ڈسٹرکٹ ہسپتال ٹنگمرگ منتقل کر دیا گیا۔ صحت کی حالت نازک ہے“۔
اس سے پہلے گزشتہ ہفتے پولیس نے پائین شہر میں دہشت گردوں نے ایک پولیس انسپکٹر کو زخمی کردیا ‘ جس کی حالت اب بھی نازک بنی ہو ئی ہے ۔
پیر کو پلوامہ میں دہشت گردوں نے اتر پردیش کے ایک مزدور کو گولی مار کر ہلاک کردیا ۔