حکومت نے سردیوں کیلئے درکار صلاحیتوں کو بہتر کیا ہے:مشیر بھٹناگر

سرینگر//
جموںکشمیر لیفٹیننٹ گورنر کے مشیر راجیو رائے بھٹناگر کا کہنا ہے کہ حکومت نے سردیوں کے مہینوں کیلئے درکار خدمات کے لحاظ سے صلاحیتوں کو کافی بہتر کیا ہے ۔
بھٹناگر نے کہا کہ موم سرما کے دوران تمام خدمات بشمول صحت، ایمرجنسی ٹرانسپورٹ، پولیس خدمات وغیرہ کو عوام کے لئے دستیاب رکھا جائے گا تاکہ لوگوں کو کسی قسم کی تکلیف نہ اٹھانا پڑے ۔
ایل جی کے مشیر نے ان باتوں کا اظہار پیر کو یہاں نامہ نگاروں کے ساتھ بات کرنے کے دوران کیا۔
بھٹناگرنے کہا’’حکومت نے موسم سرما کے دوران برف ہٹانے اور دوسرے ضروری کاموں کے ساتھ نمٹنے کے لئے اپنی صلاحیتوں کو مزید بہتر کیا ہے ‘‘۔ان کا کہنا تھا’’امسال ہم نے اپنی صلاحیتوں کو سال گذشتہ سے بھی زیادہ بہتر کیا ہے ‘‘۔
ایل جی کے مشیر نے کہا کہ ہم امسال سرما کے دوران ممکنہ ایمرجنسی صورتحال کا مقابلہ کرنے کیلئے زیادہ تیار ہیں گرچہ سال گذشتہ بھی ہم تمام صلاحیتوں سے لیس تھے ۔
بھٹناگرنے کہا’’بجلی‘ایمرجنسی خدمات‘ ڈیزاسٹر منیجمنٹ کے حوالے سے تمام تیا ریاں کی جا رہی ہیں تاکہ صورتحال کا موثر اور بروقت مقابلہ کیا جا سکے‘‘۔
ان کا کہنا تھا کہ موسم سرما کے دوران لوگوں کو ضروری خدمات بہم پہنچانے کیلئے ضروری اشیا کی ذخیرہ اندوزی کی جا رہی ہے اور یہ عمل مقررہ وقت تک مکمل کیا جائے گا۔
ایل کی کے مشیر نے مزید کہا کہ موم سرما کے دوران تمام خدمات بشمول صحت، ایمرجنسی ٹرانسپورٹ، پولیس خدمات وغیرہ کو عوام کیلئے دستیاب رکھا جائے گا تاکی لوگوں کو کسی قسم کی تکلیف نہ اٹھانا پڑے ۔