گنگ بگ سرینگرمیں کیرن کے شہری کی تحویل سے ساڈھے تین کلو ہیرائون بر آمد

جموں//
انسداد منشیات ٹاسک فورس (اے این ٹی ایف) نے سرینگر کے گنگ بگ علاقے میں کپوارہ سے تعلق رکھنے والے ایک شخص کو گرفتار کرکے اس کی تحویل سے لگ بھگ کروڑوں رویے مالیت کی۵ء۳ہیراوئن جیسا مواد بر آمد کی ہے ۔
ایس ایس پی اے این ٹی ایف ‘راج کمار نے یہاں ایک پریس کانفرنس کے دوران تفصیلات فراہم کرتے ہوئے کہا کہ ۲۰ستمبر کو سرینگر میں ہماری نگرانی میں ایک آپریشن لانچ کیا گیا۔
کمارنے کہا’’آپریشن کے دوران شمالی کشمیر کے ضلع کپوارہ کے کیرن سیکٹر سے تعلق رکھنے والے ظہیر احمد کو ایک مصدقہ اطلاع پر گرفتار کیا گیا جس کی تحویل سے گنگ بگ سرینگر میں۵ء۳کلو گرام ہیرائون جیسا مواد بر آمد کیا گیا جس کی قیمت کروڑوں روپیوں میں ہے ‘‘۔
ان کا کہنا تھا کہ یہ بر آمدگی ہماری اے این ٹی ایف کے لئے بہت بڑی کامیابی ہے اور اس کی بر آمدگی سے اس کو استعمال کرنے والے کافی لوگوں کی جان بچے گی۔
ایس ایس پی نے کہا کہ اس سلسلے میں این ڈی پی ایس ایکٹ کے تحت پولیس اسٹیشن سرینگر میں ایک کیس درج کیا گیا ہے ۔
کمارنے کہا کہ گرفتار سمگلر کے پیچھے اور آگے کے روابط کو بے نقاب کرنے کیلئے مزید تفتیش جاری ہے ۔ان کا کہنا تھا’’اسمگلروں کے اثاثوں کی بھی تحقیقات ہوگی اور جو اثاثے اس عمل سے حاصل کئے گئے ہوں گے ان کو ضبط کیا جائے گا‘‘۔
ایس ایس پی نے کہا کہ اس سال اے این ٹی ایف نے۱۵؍ایف آئی آر درج کیںجن میں زیادہ تر یونین ٹریٹری کے مختلف حصوں میں منشیات کی تجارتی مقدار کی ضبطی سے متعلق تھے اور ملزمان کی گرفتاریاں جموں وکشمیر سے باہر جیسے دہلی، پنجاب، ہریانہ، گجرات میں بھی کی گئیں۔
کمار نے کہا کہ کافی کیسز میں اچھی کارروائی چل رہی ہے کچھ بینک کھاتوں کو بھی ضبط کیا گیا ہے ۔ان کا کہنا تھا کہ منشیات سماج کو لاحق سب سے بڑا خطرہ ہے اور اس وبا کے خاتمے کیلئے ہماری عوام سے تعاون کرنے کی اپیل ہے ۔