پٹنہ//وزیر اعلیٰ نتیش کمار نے جے پی گنگا پتھ پروجیکٹ کے گائے گھاٹ کے قریب جاری تعمیراتی کاموںکی پیش رفت کا جائزہ لیا اور افسران کو ہدایت دی کہ وہ تعمیراتی کام کو تیزی سے مکمل کریں۔
وزیر اعلیٰ جے پی گنگا پتھ ہوتے ہوئے گائے گھاٹ پہنچے اور وہاں کرائے جارہے تعمیراتی کام کی پیش رفت کے بارے میں تفصیلی جانکاری حاصل کی۔سڑک تعمیرات محکمہ کے ایڈیشنل چیف سکریٹری مسٹر پرتئے امرت نے کہا کہ جے پی گنگا پتھ کا گائے گھاٹ تک تعمیراتی کام تیزی سے چل رہا ہے اور جلد ہی مکمل ہو جائے گا۔ معائنہ کے دوران وزیراعلی نے حکام کو ہدایت دی کہ جے پی گنگا پتھ کے باقی ماندہ تعمیراتی کام کو جلد از جلد مکمل کریں تاکہ لوگوں کی آمد و رفت میںمزیدسہولت ہو۔ گاندھی سیتو سے جے پی گنگا پتھ کے گائے گھاٹ کے قریب بھی بہتر رابطہ فراہم کرائیں تاکہ جے پی گنگا پتھ کا گاندھی سیتو سے رابطہ ہموار ہو سکے ۔
اس کے بعد وزیر اعلیٰ نے جے پی سیتو سے این ایچ 19تک کے کنیکٹیوٹی کا جائزہ لیا۔جے پی سیتو سے ہوتے ہوئے اس سڑک کوبکر پور کے قریب این ایچ19 سے جوڑا گیا ہے ، تاکہ لوگوں کو چھپرا اور حاجی پور جانے کے لیے مزید ایک آسان راستہ فراہم ہوسکے ۔
وزیراعلیٰ نے معائنہ کے دوران کہاکہ شمالی بہار اور جنوبی بہار کی کنیکٹیوٹی کو مزید بہتر بنانے کے لیے سڑک کی تعمیر اور پل کی تعمیر کے کئی کام کیے گئے ہیں۔ پٹنہ سے باہر آنے جانے والے لوگوںکا رابطہ مزید آسان بنانے کے ساتھ ساتھ پٹنہ شہر میں جام کے مسائل سے نجات دلانے کے لیے کئی اہم سڑک پروجیکٹوں پر کام کیا جارہا ہے ۔
معائنہ کے دوران وزیراعلی کے پرنسپل سکریٹری مسٹر دیپک کمار، سڑک تعمیرات محکمہ کے ایڈیشنل چیف سکریٹری مسٹر پرتئے امرت، وزیراعلی کے سکریٹری مسٹر انوپم کمار، وزیراعلی کے او ایس ڈی مسٹر گوپال سنگھ، بہاراسٹیٹ روڈ ڈیولپمنٹ کارپوریشن منیجنگ ڈائرکٹرمسٹر شرشت کپل اشوک، پٹنہ کے ڈی ایم مسٹر چندر شیکھر سنگھ، پٹنہ کے ایس ایس پی مسٹر راجیو مشرا اور دیگر سینئر افسران اور انجینئر موجود تھے ۔
