وادی میں۴ جون سے موسم میں بہتری آنے کا امکان

سرینگر//
وادی کشمیر میں وقفے وقفے سے بارشوں کا سلسلہ جاری رہتے ہوئے محکمہ موسمیات نے۳جون تک موسم کی یہی صورتحال جاری رہنے کی پیش گوئی کی ہے ۔
متعلقہ محکمے کے ایک ترجمان کے مطابق وادی میں اگلے چوبیس گھنٹوں کے دوران بھی گرج چمک کے ساتھ رک رک کر ہلکی سے درمیانی درجے کی بارشوں کا امکان ہے ۔
ترجمان نے کہا کہ وادی میں۲جون کو بھی رک رک کا بارشوں کا سلسلہ جاری رہ سکتا ہے اور اس دوران کہیں کہیں ژالہ باری تو کچھ علاقوں میں تیز ہوائیں چلنے کا بھی امکان ہے ۔ان کا کہنا تھا کہ وادی میں۳جون کو بعد دوپہر کہیں کہیں بارشیں متوقع ہیں۔
محکمہ کے ترجمان نے بتایا کہ بعد ازاں وادی میں۴سے۱۰جون تک موسم مجموعی طور پر خشک رہنے کا امکان ہے تاہم اس دوران بھی بارشوں کے مختصر مرحلے کو خارج از امکان قرار نہیں دیا جا سکتا ہے ۔
محکمے نے کسانوں سے کہا ہے کہ۴جون کے بعد اپنے آپریشنز جیسے دو پاشی، فصل کٹائی وغیرہ دوبارہ شروع کر سکتے ہیں۔
دریں اثنا ماہرین موسمیات کا کہنا ہے کہ وادی میں موسم مسلسل ناساز گار رہنے سے زرعی اور پھلوں کی پیدا وار پر منفی اثرات مرتب ہوسکتے ہیں۔انہوں نے کہا کہ مطلع زیادہ تر ابر آلود رہنے اور انتہائی کم وقت کے لئے دھوپ نکلنے سے زرعی اور پھلوں کی پیدا وار متاثر ہوسکتی ہے ۔
ادھر گذشتہ چوبیس گھنٹوں کے دوران سرینگر میں۹ء۱۰ملی میٹر بارش ریکارڈ ہوئی ہے جبکہ قاضی گنڈ میں۴ء۱۱ملی میٹر، پہلگام میں۵ء۱۱ملی میٹر‘ کپوارہ میں۷ء۱۰ملی میٹر، گلمرگ میں۶ء۱۴ملی میٹر اور کوکرناگ میں۴ء۱۰ملی میٹر بارش ریکارڈ ہوئی ہے ۔
وادی میں ناسازگار موسمی صورتحال کے بیچ شبانہ درجہ حرارت کہیں معمول سے کم تو کہیں معمول سے زیادہ درج ہوا ہے ۔
دارلحکومت سرینگر میں کم سے کم درجہ حرارت۴ء۱۱ڈگری سینٹی گریڈ ریکارڈ کیا گیا جو معمول سے۱ء۱ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت۶ء۴ڈگری سینٹی گریڈ ریکارڈ کیا گیا جو معمول سے۰ء۳ڈگری سینٹی گریڈ کم ریکارڈ ہوا تھا۔
ایک اورسیاحتی مقام پہلگام میں کم سے کم درجہ حرارت۶ء۷ڈگری سینٹی گریڈ ریکارڈ کیا گیا جو معمول سے۰ء۱ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۷ء۱۰ڈگری سینٹی گریڈ ریکارڈ کیا گیا جو معمول سے۳ء۰ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں کم سے کم درجہ حرارت۰ء۱۱ڈگری سینٹی گریڈ ریکارڈ کیا گیا جو معمول سے ۱ء۰ڈگری سینٹی گریڈ زیادہ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت۴ء۴ڈگری سینٹی گریڈ ریکارڈ کیا گیا۔