سانبہ سیکٹر میں پاکستانی در انداز ہلاک:بی ایس ایف

جموں//
بارڈر سیکورٹی فورس (بی ایس ایف) اہلکاروں نے جموں وکشمیر کے سانبہ سیکٹر میں بین الاقوامی سرحد پر جمعرات کی صبح ایک پاکستانی در انداز کو ہلاک کردیا۔
بی ایس ایف کے ایک ترجمان نے بتایا کہ سانبہ سیکٹر میں بین الاقوامی سرحد پر تعینات بی ایس ایف اہلکاروں نے جمعرات کی صبح ایک شخص کی مشکوک نقل و حمل دیکھی جس نے سرحد پار کیا۔
بی ایس ایف ترجمان نے کہا کہ فوجی اہلکاروں کی طرف سے چلینج کئے جانے کے باوجود بھی وہ آگے بڑھتا گیا جس کے بعد اس کو فائر کرکے ہلاک کر دیا گیا۔
ترجمان نے کہا کہ اس کی تحویل سے کوئی ہتھیار یا کوئی نشہ آور مواد بر آمد نہیں ہوا ہے ۔انہوں نے کہا کہ اس سلسلے میں تحقیقات کی جا رہی ہے۔