فوج کے ہیلی کاپٹر گر کر تباہ ‘ دو پائلٹ ہلاک

گوہاٹی//
فوج کا ایک ہیلی کاپٹر جمعرات کی صبح اروناچل پردیش کے مغربی کامینگ ضلع میں منڈالا کے قریب گر کر تباہ ہوگیا، جس میں پائلٹ اور ہیلی کاپٹر کا کو پائلٹ ہلاک ہوگیا۔
دو پائلٹ ‘ لیفٹیننٹ کرنل وی وی بی ریڈی اور میجر جیانت اے‘ کے لاپتہ ہونے کی اطلاع پہلے دی گئی تھی۔ فوج نے بتایا کہ طیارے کا صبح ۹ بج کر۱۵ منٹ پرٹریفک کنٹرولر سے رابطہ منقطع ہوگیاتھا۔
فوج نے کہا کہ ہندوستانی فوج کی پانچ تلاشی پارٹیاں، سشسترا سیما بال اور انڈو تبتی بارڈر پولیس (آئی ٹی بی پی) کو فوری طور پر شروع کیا گیا اور طیارے کا ملبہ منڈلا کے مشرقی گاؤں بنگلہ جاپ کے قریب سے ملا، فوج نے کہا کہ کورٹ آف انکوائری کی جا رہی ہے۔ حادثے کی وجہ جاننے کا حکم دیا گیا ہے۔
ہیلی کاپٹر صبح ۹ بجے ضلع کے سانگے گاؤں سے اڑان بھرا تھا اور آسام کے سونیت پور ضلع کے مسماری کی طرف روانہ ہوا تھا۔
اس سے پہلے فوج کاکہنا تھا کہ’’آرمی ایوی ایشن چیتا ہیلی کاپٹر بومڈیلا، اروناچل پردیش کے قریب ایک آپریشنل سورٹی اڑ رہا تھا، ۱۶ مارچ۲۰۲۳ کو صبح ۹ بجکر۱۵ منٹ کے قریب اے ٹی سی سے رابطہ منقطع ہو گیا تھا۔‘‘