جموں کشمیر میں کورونا وائرس کے ۱۵ نئے کیس

سرینگر//
جموں کشمیر میں پچھلے چوبیس گھنٹوں کے دوران کورونا وائرس کے۱۵نئے مثبت معاملات سامنے آئے ہیں۔
اس مدت کے دوران دونوں صوبوں میں کوورنا سے کوئی نئی موت درج نہیںہو ئی ہے ۔
ایک سرکاری بیان میں کہا گیا ہے کہ مجموعی ۱۵ مثبت معاملات میں سے ۱۳کا کشمیر اور۲کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۳ہزار۶۵۲تک پہنچ گئی ہے‘ جن میں سے۱۳۸(صوبہ جموں میں۲۸؍ اور کشمیر صوبے میں۱۱۰)سر گرم معاملات ہیں۔اَب تک۴لاکھ۴۸ہزار۷۶۴اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں ۱۰؍ ضلع بڈگام میں ایک‘ ضلع کپواڑہ میں ایک اور ضلع بانڈی پورہ میں بھی ایک نیامعاملہ درج کیا گیا ہے ۔بارہمولہ‘ پلوامہ‘اسلام آباد‘گاندربل، کولگام اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح جموں میں ۲نئے معاملات آج سامنے آئے ہیں ۔اودھمپور ، راجوری ، ڈوڈہ ،کٹھوعہ ،سانبہ،کشتواڑ ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
اس دوران دونوں صوبوں میں کورونا سے کوئی تازہ موت درج نہیں ہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی‘جن میں سے۲۴۲۳کا کشمیر اور۲۳۲۷کاتعلق جموں صوبہ سے ہے۔
اِسی دوران آج مزید۱۲؍اَفراد شفایاب ہوئے ہیںجن میںجموں صوبے کے۴؍افراداور کشمیر صوبے کے۸؍افرادشامل ہیں۔