پٹرول اور ڈیزل کی قیمتوں میں اضافہ کا سلسلہ جاری

نئی دہلی/۲۶مارچ
ملک میں تیل کی مارکیٹنگ کمپنیوں نے ہفتہ کو پٹرول اور ڈیزل کی قیمتوں میں ایک بار پھر۸۰پیسے فی لیٹر کا اضافہ کیا۔ گزشتہ پانچ دنوں میں پٹرول اور ڈیزل کی قیمتوں میں چوتھی بار اضافہ ہوا ہے ۔
قومی دارالحکومت دہلی میں پٹرول اور ڈیزل کی قیمتوں میں اضافے کے ساتھ یہاں اب پٹرول ۶۱ء۹۸روپے اور ڈیزل۸۷ء۸۹روپے فی لیٹر ہو گیا ہے ۔ جبکہ جمعہ کو پٹرول کی قیمت۸۱ء۹۷اور ڈیزل کی قیمت۰۷ء۸۹تھی۔
تیل کمپنیوں نے۱۳۷دن تک ‘رعایت و راحت ’دینے کے بعد پٹرول اور ڈیزل کی قیمتوں میں اضافہ کرنا شروع کر دیا ہے ، جس کی وجہ سے اب تک پٹرول اور ڈیزل کی قیمتوں میں میں۲۰ء۳پیسے کا اضافہ ہوچکا ہے ۔
اس اضافے کی وجہ سے ممبئی میں پٹرول اور ڈیزل کی قیمتیں بالترتیب۳۵ء۱۱۳روپے اور۵۵ء۹۷روپے فی لیٹر ہو گئی ہیں۔
یوکرین پر روس کے حملے کی وجہ سے عالمی سطح پر تیل اور قدرتی گیس کی سپلائی متاثر ہونے پر تیل اور قدرتی گیس کی قیمتوں میں اضافہ ہوا ہے ۔ بین الاقوامی سطح پر اس کی وجہ سے خام تیل۱۳سال کی بلند ترین سطح پر پہنچ گیا ہے ۔
عالمی منڈی میں خام تیل کی قیمتوں میں مسلسل اتار چڑھاؤ آرہا ہے ۔ لندن برینٹ کروڈ۶۵ء۱۲۰ڈالر فی بیرل اور یو ایس کروڈ۲۳ء۰فیصد اضافے کے ساتھ ۶۰ء۱۱۲ڈالر فی بیرل پر ٹریڈ کر رہا ہے ۔
پٹرول اور ڈیزل کی قیمتوں کا روزانہ جائزہ لیا جاتا ہے اور اسی کی بنیاد پر نئی قیمتیں روزانہ صبح۶بجے سے لاگو ہوتی ہیں۔