(ایجنسیاں)
سرینگر؍۲۷ جولائی
جموں و کشمیر میں مقدس امرناتھ غار کے بالتال راستے پر واقع ڈومیل میں پیر کے روز سیکورٹی فورسز نے اتر پردیش کے ایک شخص کو سی آر پی ایف اہلکار کا روپ دھارنے کے الزام میں گرفتار کر لیا۔
حکام کے مطابق گرفتار شخص کی شناخت ہرویندر کمار ولد ساکن آگرہ، اتر پردیش کے طور پر ہوئی ہے۔
انہوں نے بتایا کہ ڈومیل گیٹ پر تعینات سیکورٹی اہلکاروں نے تلاشی کے دوران اسے سی آر پی ایف کی وردی میں پایا، جبکہ اس کے قبضے سے سی آر پی ایف کا جعلی شناختی کارڈ بھی برآمد ہوا۔
حکام کے مطابق ملزم کو مزید پوچھ گچھ اور قانونی کارروائی کیلئے پولیس پوسٹ بالتال کے حوالے کر دیا گیا ہے۔
