ایجنسیاں
سرینگر؍۲۴ جولائی
مسلسل خراب موسم کے باعث گزشتہ چھ روز سے معطل شری امرناتھ یاترا ہفتہ سے دوبارہ شروع کیے جانے کا امکان ہے۔
حکام نے جمعہ کو بتایا کہ موسم میں بہتری کے بعد یاترا کی بحالی کے لیے انتظامات کو حتمی شکل دی جا رہی ہے۔
ایک سرکاری افسر نے ایک مقامی خبر رساں ایجنسی ‘کشمیر نیوز آبزرور کو بتایا کہ موسم میں بہتری کے پیش نظر امرناتھ یاترا دوبارہ شروع کرنے کی تیاریاں جاری ہیں۔
واضح رہے کہ مسلسل موسلا دھار بارشوں کے باعث یاترا کا راستہ غیر محفوظ ہو گیا تھا، جس کے بعد احتیاطی طور پر یاترا کو معطل کر دیا گیا تھا۔
حکام نے بتایا کہ موسم بہتر ہونے کے بعد صورتحال کا ازسرِنو جائزہ لیا گیا اور یاترا کے راستے پر بحالی کا کام مکمل ہونے کے بعد یاترا دوبارہ شروع کرنے کا فیصلہ کیا گیا۔
انتظامیہ نے یاتریوں سے اپیل کی ہے کہ وہ ضلعی انتظامیہ اور سیکورٹی ایجنسیوں کی جانب سے جاری کردہ ہدایات پر مکمل عمل کریں اور صرف طے شدہ شیڈول کے مطابق ہی یاترا انجام دیں۔
