سرینگر؍۵جون
سری نگر کے لال بازار علاقے میں جمعہ کو ایک۳۶ سالہ خاتون اپنے گھر میں مردہ پائی گئی، جس کے بعد پولیس نے واقعے کی تحقیقات شروع کر دی ہیں۔
سرکاری ذرائع کے مطابق متوفیہ کی شناخت لال بازار کی رہائشی۳۶ سالہ خاتون کے طور پر ہوئی ہے۔
ذرائع نے بتایا کہ خاتون اپنے گھر کے ایک کمرے میں پھندے سے لٹکی ہوئی پائی گئی، جس کے بعد اہل خانہ نے انہیں فوری طور پر علاج کے لیے شیرِ کشمیر انسٹی ٹیوٹ آف میڈیکل سائنسز (اسکمز) صورہ منتقل کیا۔
تاہم اسکمز میں ڈاکٹروں نے معائنے کے بعد انہیں مردہ قرار دے دیا۔
پولیس نے واقعے کا نوٹس لیتے ہوئے قانونی کارروائی شروع کر دی ہے اور موت کے اسباب و حالات کا پتہ لگانے کے لیے تحقیقات جاری ہے۔
پولیس کا کہنا ہے کہ معاملے کے تمام پہلوؤں کا جائزہ لیا جا رہا ہے اور تحقیقات مکمل ہونے کے بعد مزید تفصیلات سامنے آئیں گی۔
۔۔۔۔۔۔
