حیدرآباد، 23 مئی (یو این آئی): انڈین پریمیئر لیگ (آئی پی ایل) 2026 میں جمعہ کے روز سن رائزرز حیدرآباد (ایس آر ایچ) اور رائل چیلنجرز بنگلورو (آر سی بی) کے درمیان کھیلے گئے میچ کے اختتام پر ایک سنسنی خیز اور غیر متوقع منظر دیکھنے کو ملا، جب وراٹ کوہلی نے ٹریوس ہیڈ سے ہاتھ ملانے سے انکار کر دیا۔
میچ ختم ہونے کے بعد جب دونوں ٹیموں کے کھلاڑی روایتی طور پر ایک دوسرے سے ہاتھ ملانے کے لیے لائن میں کھڑے ہوئے، تو کوہلی نے ایس آر ایچ کے کپتان پیٹ کمنز اور ابھیشیک شرما سے تو ہاتھ ملایا، لیکن انہوں نے ٹریوس ہیڈ کو مکمل طور پر نظر انداز کر دیا۔ ہیڈ نے کوہلی کی طرف اپنا ہاتھ بڑھایا ہوا تھا، لیکن کوہلی انہیں چھوڑ کر آگے کھڑے اگلے کھلاڑی سے ہاتھ ملانے لگے۔
اس سے قبل، آر سی بی کی بیٹنگ کے دوران بھی وراٹ کوہلی کو میدان پر ٹریوس ہیڈ کے ساتھ تلخ کلامی کرتے ہوئے دیکھا گیا تھا۔ حالانکہ، یہ ابھی تک واضح نہیں ہو سکا ہے کہ دونوں کھلاڑیوں کے درمیان اس نوک جھونک کی اصل وجہ کیا تھی۔
