سیاحوں کا جموں و کشمیر آنے کا جوش کم نہیں ہوا:وزیر داخلہ

جموں: گزشتہ سال پہلگام دہشت گرد حملے کے باعث سیاحت کی صنعت کو دھچکا لگنے کے باوجود، مرکزی وزیر داخلہ امیت شاہ نے ہفتہ کو کہا کہ ملک بھر سے سیاحوں کا جموں و کشمیر آنے کا جوش کم نہیں ہوا۔
شاہ جموں میں یونین ٹیریٹری کے ترقیاتی منصوبوں کی پیش رفت کا جائزہ لینے کے لیے منعقدہ ایک جائزہ اجلاس سے خطاب کر رہے تھے۔
وزیر داخلہ نے کہا’’ملک بھر سے سیاحوں کا جموں و کشمیر آنے کا جوش کم نہیں ہوا۔ یہاں موجود سیاحتی امکانات کو تلاش کرنے کے لیے دیگر ریاستوں میں جموں و کشمیر کے سیاحتی مقامات کی جارحانہ تشہیر کی ضرورت ہے‘‘۔
شاہ نے کہا کہ بھارتیہ جنتا پارٹی کی قیادت والی مرکز ی حکومت جموں و کشمیر میں نئے سیاحتی مقامات کی ترقی کے منصوبے میں ہر ممکن مدد فراہم کرے گی۔
گزشتہ سال۲۲؍ اپریل کو پاکستان سے وابستہ لشکرِ طیبہ (ایل ای ٹی) کے دہشت گردوں نے جنوبی کشمیر کے معروف پہاڑی سیاحتی مقام پہلگام میں سیاحوں کو نشانہ بنایا تھا، جس میں۶۲؍ افراد ہلاک ہوئے اور جموں و کشمیر کی سیاحت کی صنعت کو شدید دھچکا پہنچا۔ (ایجنسیاں)