’جموں و کشمیر میں۵۴۸نئی میڈیکل نشستوں کا اضافہ ‘

جموں: جموں کشمیر کے وزیر اعلیٰ عمر عبداللہ نے جمعہ کے روز ایک بڑے اعلان میں یونین ٹیریٹری میں طبی تعلیم کے شعبے میں نمایاں توسیع کا عندیہ دیا۔
قانون ساز اسمبلی میں بجٹ پیش کرتے ہوئے وزیر اعلیٰ نے کہا کہ حکومت صحت کے نظام کی مضبوطی کے لیے بنیادی سطح پر عملی اقدامات کر رہی ہے۔
عمر عبداللہ نے اپنے خطاب میں کہا’ ’اس سال ہم تعلیمی صلاحیت بڑھانے کے لیے۵۴۸نئی میڈیکل سیٹیں اضافہ کر رہے ہیں۔‘
حکام کے مطابق ان نشستوں میں۳۴۰نئی ایم بی بی ایس سیٹیں‘۱۲۸پوسٹ گریجویٹ نشستیں‘۳۴ پوسٹ گریجویٹ آیورویدا نشستیں اور۴۶ڈی این بی سیٹیں شامل ہیں۔
وزیر اعلیٰ نے یہ بھی کہا کہ کشمیر میں قائم کیا جا رہا آل انڈیا انسٹی ٹیوٹ آف میڈیکل سائنسز جون۲۰۲۶تک مکمل طور پر فعال ہو جائے گا، جس سے وادی میں جدید ترین صحت سہولیات کی فراہمی کو نئی جہت ملے گی۔