‘اڑان کے تحت حکومت نے ایئر لائن کمپنیوں کو 4494 کروڑ روپے دیئے

نئی دہلی، 2 فروری (یو این آئی)
حکومت نے ’اڑان‘ اسکیم کے تحت ایئر لائن کمپنیوں کو کل 4494 کروڑ روپے کا معاوضہ فنڈ (وی جی ایف) دیا ہے۔
شہری ہوا بازی کے وزیر کے رام موہن نائیڈو نے پیر کو راجیہ سبھا میں ایک ضمنی سوال کے جواب میں بتایا کہ اڑان اسکیم کے تحت اب تک 657 راستے مختص کیے گئے ہیں اور 1.59 کروڑمسافروں نے رعایتی کرایوں پر سفر کیا ہے۔ انہوں نے کہا کہ اڑان اسکیم کے بہت اچھے نتائج برآمد ہوئے ہیں اوریہ آگے بھی جاری رہے گی۔
ایک اور سوال کے تحریری جواب میں، شہری ہوابازی کے وزیر مملکت مرلی دھر موہول نے ایوان کو بتایا کہ 20 جنوری 2026 تک وی جی ایف رقم کے طور پر متعلقہ ایئر لائن کمپنیوں کو اب تک 4494 کروڑ روپے دئے گئے ہیں۔
قابل ذکر ہے کہ حکومت نے چھوٹے اور درمیانے شہروں کو فضائی نیٹ ورک سے جوڑنے کے لیے اڑان (اُڑے دیش کا عام شہری) نامی علاقائی رابطہ اسکیم (آرسی ایس) شروع کی تھی۔ اس کے تحت فاصلے کے لحاظ سے ہر روٹ پر اڑان کی سیٹوں کے لیے کم ازکم کرایہ طے کرتی ہے۔ اس سے ایئر لائن کمپنی کو ہونے والے نقصان کی تلافی کے لیے اسے فی ’اڑان‘ سیٹ مقررہ وی جے ایف دیا جاتا ہے۔ روٹ کا الاٹمنٹ بولی کی بنیاد پر اس کمپنی کو کیا جاتا ہے جو سب سے کم وی جی ایف کی مانگ کرتی ہے۔
اس سلسلے میں پوچھے گئے ایک اور سوال کے جواب میں مسٹر موہول نے کہا کہ اس اسکیم کے تحت حکومت نے اگلے 10 سال میں مزید 120 شہروں کو جوڑنے اور چار کروڑ مسافروں کو ہوائی سفر کے اختیارات فراہم کرنے کا ہدف مقرر کیا ہے۔