قدرتی آفات میں جان گنوانے والوں کے اہل خانہ کے لیے مالی امداد کی منظوری

رائے پور، 23 جنوری (یو این آئی) چھتیس گڑھ حکومت کے ریونیو اور ڈیزاسٹر مینجمنٹ ڈیپارٹمنٹ نے قدرتی آفات میں جان گنوانے والے متاثرین کے اہل خانہ کو مالی امداد دینے کی منظوری دے دی ہے ۔ ریونیو بک سرکلر کی نظر ثانی شدہ دفعات کے تحت تین معاملات میں کل 8 لاکھ روپے فراہم کیے گئے ہیں۔
ضلع تعلقات عامہ افسر سے جمعہ کو موصولہ اطلاعات کے مطابق، حکومت کی جانب سے جاری حکم کے تحت تحصیل منیندر گڑھ کے گائوں بوریڑاڑ کے رہائشی بلدیو سنگھ کی سانپ کے کاٹنے سے موت کے بعد ان کے دونوں بیٹوں پریم سنگھ اور نول سنگھ کو دو دو لاکھ روپے کی مالی امداد بطور گرانٹ منظور کی گئی ہے ۔ اسی طرح تحصیل کھڑگواں کے گائوں کوڑا کے رہائشی شوبھ ناتھ کے پانی میں ڈوبنے سے انتقال پر ان کے بیٹے دھیرسائے کو چار لاکھ روپے کی رقم منظور کی گئی ہے ۔
اسی سلسلے میں تحصیل کیلھاری کے گائوں کھرلا کی رہائشی للیتا کی بھی سانپ کے کاٹنے سے موت ہو گئی تھی۔ اس واقعے میں متاثرہ خاتون کے شوہر کو چار لاکھ روپے کی مالی امداد دی جائے گی۔
یہ امدادی رقم محصولات کتابچہ سرکلر 6(4) کی دفعات کے تحت قدرتی آفات میں راحت کے طور پر منظور کی گئی ہے ۔ اس کا مقصد آفت کی مشکل گھڑی میں متاثرہ اہل خانہ کو سہارا فراہم کرنا ہے ۔ منظور شدہ رقم کا خرچ مالی سال 2025-26 میں مرکزی مد قدرتی آفات سے نجات کے تحت کیا جائے گا۔