سوپور اور پلوامہ میں دو منشیات فروش گرفتار، چرس جیسا مواد بر آمد

سرینگر: منشیات اسمگلنگ کے خلاف جنگ کو جاری رکھتے ہوئے جموںکشمیر پولیس نے الگ الگ کارروائیوں کے دوران دو منشیات فروشوں کو گرفتار کرکے ان کی تحویل سے ممنوعہ مواد بر آمد کیا ہے ۔
ایک پولیس ترجمان نے بتایا کہ تارزو پولیس اسٹیشن کی ایک ٹیم نے پرے محلہ ہائیگام میں ناکے کے دوران ایک مشتبہ شخص کو روکا جو تارزو سے ہائیگام کی طرف آرہا تھا۔ انہوں نے کہا کہ گرچہ پولیس کو دیکھ کر اس شخص نے جائے موقع سے فرار ہونے کی کوشش کی تاہم اس کو موقع پر ہی دھر لیا گیا۔
ان کا کہنا ہے کہ تلاشی کے دوران اس کی تحویل سے چرس جیسا ممنوعہ مواد بر آمد کیا گیا۔
ملزم کی شناخت مصیر بشیر ولد بشیر احمد ریشی ساکن ویر کالونی الائی بگ کے طور پر ہوئی ہے ۔
پولیس ترجمان نے بتایا کہ اس ضمن میں پولیس اسٹیشن تارزو میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر۵ /۲۰۲۶ مقدمہ درج کیا گیا اور مزید تحقیقات شروع کی گئی۔ انہوں نے کہا کہ سوپور پولیس منشیات کے ناسور کو جڑ سے اکھاڑنے کے لئے پر عزم ہے ۔
پولیس ترجمان نے بتایا کہ پولیس پوسٹ نیوا کی ایک پارٹی نے نیوا پر چیکنگ کے دوران ایک شخص کو روکا۔ انہوں نے کہا کہ تلاشی کے دوران اس کی تحویل سے 70.5 گرام چرس پاؤڈر جیسا ممنوعہ مواد بر آمد کیا گیا۔
ملزم کی شناخت سمیر احمد وگے ولد بشیر احمد وگے ساکن واہی بگ کے طور پر کی گئی ہے ۔
پولیس ترجمان نے بتایا کہ اس ضمن میں پولیس اسٹیشن پلوامہ میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر۵ /۲۰۲۶ ایک مقدمہ درج کیا گیا اور مزید تحقیقات شروع کی گئیں۔