وادی بھر میں شبانہ درجہ حرارت میں نمایاں کمی ‘سردی میں اضافہ 

سرینگر: وادی میں ٹھٹھرتی سردیوں کی شدت مزید بڑھ گئی ہے اور سری نگر اور گلمرگ سیمت کئی علاقوں میں رواں سیزن کی اب تک کی سرد ترین راتیں ریکارڈ ہوئی ہیں۔
کشمیر ویدر کے مطابق گرمائی دارلحکومت سری نگر میں شبانہ درجہ حرارت منفی 5.1 ڈگری سینٹی گریڈ ریکارڈ ہوا ہے اور رواں سیزن کی اب تک سرد ترین رات ریکارڈ ہوئی ہے ۔
سیاحتی مقام گلمرگ میں کم سے کم درجہ حرارت منفی9.2 ڈگری سینٹی گریڈ ریکارڈ ہوکر رواں سیزن کی اب تک کی سرد ترین رات ریکارڈ ہوئی ہے ۔
وادی کے ایک اور سیاحتی مقام پہلگام میں شبانہ درجہ حرارت منفی8.6 ڈگری سینٹی گریڈ ریکارڈ ہو کر رواں موسم کی سرد ترین ریکارڈ ہوئی ہے جبکہ سونہ مرگ میں شبانہ درجہ حرارت منفی 9.8 ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت منفی5.1 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں شبانہ درجہ حرارت منفی5.4 ڈگری سینٹی گریڈ ریکارڈ ہوا ہے ۔
وسطی کشمیر کے بڈگام اور گاندربل اضلاع میں شبانہ درجہ حرارت بالترتیب منفی5.4 ڈگری سینٹی گریڈ اور منفی4.9 ڈگری سینٹی گریڈ ریکارڈ ہوا ہے ۔
شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب منفی5.3 ڈگری سینٹی گریڈ اور منفی4.6 ڈگری سینٹی گریڈ ریکارڈ ہوا ہے ۔
جنوبی کشمیر کے اننت ناگ، پلوامہ اور شوپیاں اضلاع میں شبانہ درجہ حرارت بالترتیب منفی6.3 ڈگری سینٹی گریڈ، منفی6.8 ؍اور منفی7.8 ڈگری سینٹی گریڈ ریکارڈ ہوا ہے ۔
لداخ یونین ٹریٹری میں ٹھٹھرتی سردیوں کا زور مزید بڑھ گیا ہے ۔
ضلع لیہہ میں کم سے کم درجہ حرارت منفی14.6 ڈگری سینٹی گریڈ جبکہ ضلع کرگل میں کم سے کم درجہ حرارت منفی13.4 ڈگری سینٹی گریڈ ریکارڈ ہوا ہے ۔
دنیا میں سائیبریا کے بعد دوسرے سرد ترین علاقہ دراس میں شبانہ درجہ حرارت منفی24.7 ڈگری سینٹی گریڈ ریکارڈ ہوا ہے ۔
محکمہ موسمیات کی پیش گوئی کے مطابق وادی میں ۲۲جنوری تک موسم میں کسی بڑی تبدیلی کا کوئی امکان نہیں ہے ۔انہوں نے کہا کہ وادی میں۱۰جنوری تک شبانہ درجہ حرارت میں مزید گراوٹ کا امکان ہے ۔
محکمہ موسمیات کے ایک ترجمان کے مطابق وادی مین۲۳جنوری تک موسم میں کسی بڑی تبدیلی کا کوئی امکان نہیں ہے ۔ انہوں نے کہا کہ وادی میں۸سے۱۵جنوری تک موسم جزوی طور پر ابر آلود رہنے کی توقع ہے ۔ انہوں نے کہا کہ بعد میں۱۶؍اور۱۷جنوری کو موسم مجموعی طور پر ابر آلود رہنے کے ساتھ وادی میں کہیں کہیں ہلکی برف باری یا بارشوں کا امکان ہے ۔
ترجمان کا کہنا ہے کہ۱۸؍اور۱۹جنوری کو موسم جزوی سے مجموعی طور پر ابر آلود رہ سکتا ہے جبکہ۲۰جنوری کو موسم مجموعی طور پر ابر آلود رہنے کے ساتھ پہاڑی علاقوں میں کہیں کہیں ہلکی برف باری کا امکان ہے ۔ ترجمان نے بتایا کہ وادی میں۲۱جنوری کو موسم جزوی ابر آلود مگر عام طور پر خشک رہنے کی توقع ہے ۔
ترجمان نے کہا کہ بعد میں۲۲؍اور۲۳ جنوری کو موسم جزوی سے مجموعی طور پر ابر آلود رہنے کے ساتھ پہاڑی علاقوں میں کہیں کہیں ہلکی برف باری ہونے کا امکان ہے ۔
محکمے نے اپنی ایڈوائزری میں کہا ہے کہ وادی میں۱۰جنوری تک شبانہ درجہ حرارت میں مزید گراوٹ کا امکان ہے جبکہ اس کے بعد اس میں۱سے۲ڈگری سینٹی گریڈ کی بہتری متوقع ہے ۔ انہوں نے کہا کہ جموں صوبے کے میدانی علاقوں میں کہیں کہیں اگلے۵دنوں کے دھند بر قرار رہ سکتی ہے ۔
چلہ کلاں کا نصف حصہ مکل ہوچکا ہے جس میں گرچہ سردیوں نے سخت تیور دکھائے تاہم وسیع پیمانے پر برف باری نہیں ہوئی اور سری نگر سمیت وادی کے میدانی علاقے برف باری کا بے صبری سے انتظار کر رہے ہیں۔