کشمیر میں اگلے ۳دنوں کے دوران برف وباراں کا امکان

سرینگر/۳۰دسمبر
محکمہ موسمیات کی پیش گوئی کے مطابق وادی کشمیر میں اگلے تین دنوں کے دوران برف و باراں کا امکان ہے جس کا سلسلہ۳۰دسمبر کی شام سے شروع ہو کر۲جنوری تک جاری رہ سکتا ہے ۔
محکمے کے ایک ترجمان نے بتایا کہ وادی میں۳۰دسمبر کو موسم مجموعی طور ابر آلود رہنے کے ساتھ شام کو کہیں کہیں ہلکی برف باری یا بارشوں کا امکان ہے ۔
ترجمان نے کہا کہ بعد میں۳۱دسمبر سے یکم جنوری تک موسم ابر آلود رہنے کے ساتھ کئی جگہوں پر ہلکی سے درمیانی درجے کی برف باری یا بارشوں کا امکان ہے جس کا سلسلہ ۳۱دسمبر کی شام سے شروع ہوکر یکم جنوری کی صبح یا دوپہر تک جاری رہ سکتا ہے ۔
ان کا کہنا ہے کہ اس دوران شمالی اور وسطی کشمیر کے کچھ پہاڑی علاقوں میں درمیانی سے بھاری برف باری متوقع ہے ۔
ترجمان نے بتایا کہ۲جنوری کو موسم جزوی سے مجموعی طور پر ابر آلود رہنے کا امکان ہے اور اس دوران بھی کہیں کہیں ہلکی برف باری یا ہلکی بارشوں کا امکان ہے ۔
ترجمان نے کہا کہ وادی میں۳سے۵جنوری تک موسم جزوی طور پر ابر آلود رہ سکتا ہے جبکہ۶جنوری کو شمالی اور وسطی کشمیر کے پہاڑی علاقوں میں ایک بار پھر ہلکی برف باری ہوسکتی ہے ۔
ان کا کہنا ہے کہ بعد ازاں وادی میں۷جنوری سے ۱۳جنوری تک موسم ابر آلود رہنے کا امکان ہے ۔
محکمے نے اپنی ایڈوائزری میں مسافروں اور ٹرانسپورٹروں سے کہا کہ وہ ۳۰دسمبر کی شام سے یکم جنوری کے دوران ٹریفک اور انتظامیہ کی طرف سے جارے مشوروں پر سختی سے عمل کریں۔
ایڈوائزری نے کہا کہ جموں صوبے کے کچھ علاقوں میں اگلے چوبیس گھنٹوں کے دوران درمیانی درجے یا گہری دھند چھائی رہ سکتی ہے ۔
اس بیچ وادی کے بیشتر مقامات پر شبانہ درجہ حرارت نقطہ انجماد سے اوپر ریکارڈ ہونے کے نتیجے میں لوگوں کو ٹھٹھرتی سردیوں سے کسی حد تک راحت نصیب ہوئی ہے ۔
کشمیر ویدر کے مطابق گرمائی ارلحکومت سری نگر میں کم سے کم درجہ حرارت۰ء۱ڈگری سینٹی گریڈ ریکارڈ کیا گیا جہاں۲۸نومبر کو روان موسم کی اب تک کی سرد ترین رات ریکارڈ ہوئی تھی جب شبانہ درجہ حرارت منفی۵ء۴ڈگرسی سینٹی گریڈ ریکارڈ ہوا تھا۔
وادی کے سیاحتی مقامات گلمرگ اور پہلگام میں کم سے کم درجہ حرارت بالترتیب منفی۶ء۱ڈگری سینٹی گریڈ اور منفی۲ء۱ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت۰ء۲ ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۴ء۱ڈگری سینٹی گریڈ ریکارڈ ہوا ہے ۔
وسطی کشمیر کے بڈگام اور گاندربل اضلاع میں کم سے کم درجہ حرارت بالترتیب۲ء۱ڈگری سینٹی گریڈ اور۸ء۱ڈگری سینٹی گریڈ ریکارڈ ہوا ہے جبکہ شمالی کشمیر کے بارہمولہ اور باںڈی پورہ اضلاع میں شبانہ درجہ حرارت بالترتیب منفی۱ء۲ڈگری سینٹی گریڈ اور ۱ء۱ڈگری سینٹی گریڈ ریکارڈ ہوا ہے ۔
جنوبی کشمیر کے اننت ناگ، پلوامہ اور شوپیاں اضلاع میں کم سے کم درجہ حرارت بالترتیب۸ء۰ڈگری سینٹی گریڈ‘ منفی۱ء۱؍ اور۲ء۰ڈگری سینٹی گریڈ ریکارڈ ہوا ہے ۔
لداخ یونین ٹریٹری کے لیہہ اور کرگل اضلاع میں شبانہ درجہ حرارت بالترتیب منفی۴ء۸ڈگری سینٹی گریڈ اور منفی۹ء۷ڈگری سینٹی گریڈ ریکارڈ ہوا ہے ۔ایجنسیز