وادی میں سال نو کی آمد : استقبال کیلئے برفباری اور بارشیں تیار

سرینگر/۲۹دسمبر
وادی کشمیر میں شبانہ درجہ حرارت میں بہتری ریکارڈ ہونے کے بیچ ایک مغربی ہوا داخل ہونے کے پیش نظر سال نو کی آمد کے استقبال میں برف وباراں کے امکان ہے ۔
محکمہ موسمیات کے ایک ترجمان کے مطابق وادی میں۲۹دسمبر کو موسم عام طور پر ابر آلود رہنے کے ساتھ شمالی اور وسطی کشمیر کے پہاڑی علاقوں میں کہیں کہیں ہلکی برف باری کا امکان ہے ۔انہوں نے کہا کہ ۳۰دسمبر کو خاص کر دوپہر سے شام تک کئی علاقوں میں ہلکی برف باری یا بارشیں ہوسکتی ہیں۔
ان کا کہنا ہے بعد میں۳۱دسمبر اور یکم جنوری کو موسم عام طور پر ابر آمود رہنے کے ساتھ کئی مقامات پر ہلکی برف باری اور بارشوں کا امکان ہے جبکہ اس دوران شمالی اور وسطی کشمیر کے کچھ بالائی اور درمیانی علاقوں میں اوسط درجے کی برف باری کا امکان ہے ۔
موصوف ترجمان نے بتایا کہ ۲جنوری کو موسم جزوی سے عام طور پر ابر آلود رہنے کے ساتھ کہیں کہیں ہلکی برف باری ہوسکتی ہے اور اس کے بعد وادی میں۳جنوری سے۱۲جنوری تک موسم جزوی سے عام طور پر ابر آلود رہنے کا امکان ہے ۔
محکمے نے اپنی ایڈوائزری میں مسافروں اور ٹرانسپورٹروں سے کہا ہے کہ وہ ۳۰دسمبر کی شام سے یکم جنوری کے دوران ٹریفک اور انتظامیہ کے مشوروں پر سختی سے عمل کریں۔انہوں نے کہا کہ صوبہ جموں کے کچھ علاقوں میں اگلے ۲۴گھنٹوں کے دوران درمیانی درجے سے شدید دھند چھائی رہ سکتی ہے ۔
دریں اثنا وادی میں شبانہ درجہ حرارت میں بہتری واقع ہوئی ہے ۔
گرمائی دارلحکومت سری نگر میں کم سے کم درجہ حرارت۰ء۳ڈگری سینٹی گریڈ ریکارڈ ہوا ہے جہاں۲۸نومبر کو شبانہ درجہ حرارت منفی۵ء۴ڈگری سینٹی گریڈ ریکارڈ ہو کر رواں سیزن کی اب تک کی سرد ترین رات ریکارڈ ہوئی تھی۔
وادی کے سیاحتی گلمرگ میں کم سے کم درجہ حرارت منفی۰ء۲ڈگری سینٹی گریڈ جبکہ وادی کے دوسرے مشہور سیاحتی مقام پہلگام میں کم سے کم درجہ حرارت۴ء۰ ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت۸ء۱ ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۴ء۱ڈگری سینٹی گریڈ ریکارڈ ہوا ہے ۔ایجنسیز