۹۲ء۳۷ کروڑ روپے کے پروجیکٹوں کا ای افتتاح/سنگ بنیاد

وزیر اعلیٰ عمر عبداللہ نے آج سری نگر ضلع میں۹۲ء۳۷ کروڑ روپے مالیت کے کئی اہم ترقیاتی منصوبوں کا ای۔افتتاح کیا اور ورچوئل موڈ میں ان کے سنگ بنیاد رکھے۔
ان منصوبوں کا مقصد شہری بنیادی ڈھانچے کو مضبوط بنانا، شہری سہولیات کو بہتر کرنا اور عوام کے معیارِ زندگی میں بہتری لانا ہے۔
ای۔افتتاح اور ای۔سنگ بنیاد رکھنے کی تقریب شیرِ کشمیر انٹرنیشنل کانفرنس سینٹر (ایس کے آئی سی سی) میں منعقد ہوئی۔
وزیر اعلیٰ نے سرینگر کے نو شہرا میں واقع وول منڈی کی تزئین و مرمت کے کام کا ای۔افتتاح کیا، جو ایک کروڑ روپے کی لاگت سے مکمل ہوا۔
عمرعبداللہ نے گورنمنٹ میڈیکل کالج سری نگر میں شعبہ جاتِ سرجری، میڈیسن اور ریڈیالوجی کی اپ گریڈیشن کے لیے نئی عمارت کی تعمیر کا ای۔سنگ بنیاد رکھا، جس کی تخمینی لاگت ۷۰ء۱۸ کروڑ روپے ہے۔
وزیر اعلیٰ نے سولنہ میں واقع ابھیدانند ہوم کی اپ گریڈیشن کیلئے ۹۰ء۹کروڑ روپے کی لاگت سے اور زکورہ میں فلیس ٹیسٹنگ لیبارٹری کی تعمیر کیلئے ۱۳ء۲ کروڑ روپے کے منصوبوں کے بھی سنگ بنیاد رکھے۔
اسی طرح، وزیر اعلیٰ نے گندتل‘گنی موہر روڈ پر ملوری نالہ پر ۱x۱۵میٹر اسپین پلیٹ گرڈر آر سی سی ڈیکڈ پل کی تعمیر کا ای۔سنگ بنیاد رکھا، جس کی لاگت ۵۳ء۱ کروڑ روپے ہے۔ انہوں نے ساراباغ میں ملوری نالہ پر۱x۲۰  میٹر اسپین پلیٹ گرڈر آر سی سی ڈیکڈ پل کی تعمیر اور سراباغ سے دارا ہیلتھ سینٹر تک سڑک کے حصے کی تعمیر پر مشتمل۶۶ء۴ کروڑ روپے کے منصوبے کا بھی سنگ بنیاد رکھا۔
تقریب کے دوران وزیر اعلیٰ نے سری نگر ضلع کے مشن یووا اور ہولسٹک ایگریکلچر ڈیولپمنٹ پروگرام (ایچ اے ڈی پی) کے مستفیدین کو منظوری خطوط حوالے کیے، جس سے روزگار کے مواقع پیدا کرنے اور ذریعہ معاش کو مضبوط بنانے کے لیے حکومت کے عزم کا اعادہ ہوا۔
وزیر اعلیٰ نے سری نگر ضلع میں سی ایس ایس، کیپیکس، ایس اے ایس سی آئی اور سی ڈی ایف کے تحت زیرِ عمل ترقیاتی منصوبوں کا جائزہ لیا اور فنڈز کے بہتر استعمال اور مقررہ مدت میں منصوبوں کی تکمیل پر زور دیا۔
عمرعبداللہ نے سری نگر ضلع کے اراکین اسمبلی کی جانب سے اٹھائے گئے مختلف مسائل کو بھی سنا اور اچن لینڈفل سائٹ کی وجہ سے پیدا ہونے والے ماحولیاتی مسائل پر تشویش کا اظہار کیا، ساتھ ہی شہر میں ٹریفک ازدحام کے مسئلے کو اجاگر کیا۔ انہوں نے متعلقہ محکموں، ڈویڑنل اور ضلعی انتظامیہ کو ہدایت دی کہ ان سنگین مسائل کے طویل مدتی حل تلاش کیے جائیں۔
وزیر اعلیٰ نے سری نگر میں خراب ہوتی فضائی کیفیت کے مسئلے کو حل کرنے اور فضائی آلودگی پر قابو پانے کیلئے اقدامات کرنے کی ضرورت پر بھی زور دیا، بالخصوص خشک موسم کی وجہ سے مسئلہ مزید سنگین ہونے کے پیش نظر۔
اس موقع پر نائب وزیر اعلیٰ سریندر کمار چودھری، وزراء جاوید رانا، جاوید ڈار اور ستیش شرما، وزیر اعلیٰ کے مشیر ناصر اسلم وانی، چیئرپرسن ڈسٹرکٹ ڈیولپمنٹ کونسل سری نگر ملک آفتاب، اور جموں و کشمیر قانون ساز اسمبلی کے اراکین، جن میں علی محمد ساگر، مبارک گل، شمیم فردوس، سلمان ساگر، تنویر صادق، احسن احمد اور مشتاق احمد گرو شامل تھے، موجود تھے۔
سینئر افسران میں وزیر اعلیٰ کے ایڈیشنل چیف سیکریٹری دھیراج گپتا، ڈویڑنل کمشنر کشمیر انشل گرگ، ڈپٹی کمشنر سری نگر اکشے لبرو، محکموں کے سربراہان اور دیگر متعلقہ افسران بھی تقریب میں شریک تھے۔