نیشنل ڈیفنس یونیورسٹی میں ہندوستان-روس دو طرفہ تعلقات’ پر کانفرنس کا انعقاد

گاندھی نگر، 24 نومبر (یو این آئی) راشٹریہ رکشا یونیورسٹی (آر آر یو) کے اسکول آف انٹرنیشنل کوآپریشن، سیکورٹی اینڈ اسٹریٹجک لینگویجز (ایس آئی سی ایس ایس ایل)، جو کہ وزارت داخلہ، حکومت ہند کے تحت قومی اہمیت کا ادارہ ہے ، نے گاندھی نگر گجرات میں ہندوستان-روس دوطرفہ تعلقات، ہنگامی تیاری اور تعاون’ پر ایک بین الاقوامی کانفرنس کا انعقاد کیا۔
پیر کو یہاں آر آر یو کی طرف سے جاری کردہ ایک پریس ریلیز کے مطابق حال ہی میں منعقدہ کانفرنس میں روسی وزارت برائے ہنگامی حالات کے ایک وفد نے شرکت کی۔ روسی وفد میں ٹریننگ آرگنائزیشن ڈپارٹمنٹ کے سربراہ، مین فائر ڈپارٹمنٹ، انٹرنل سروس کے کرنل سرگئی نیکولاویچ سمیگالین، کرنل والمن اینڈری اینڈریویچ، کوہ پیمائی اور پیراشوٹ ٹریننگ ڈپارٹمنٹ کے سربراہ، کرنل ریزینکو لیلیا مانسورونا، بین الاقوامی سرگرمیوں کی منصوبہ بندی اور معاونت کے شعبے کی سربراہ کرنل کیپٹن کریلووا اولگا لیونیڈونا، سینئر انسپکٹر، میڈیکل اینڈ سائیکولوجیکل سپورٹ آرگنائزیشن ڈیپارٹمنٹ اور ازمائیلووا زلفیہ رشیتونا، سینئر انسپکٹر، چیف اسپیشلسٹ – ماہر، محکمہ برائے علاقائی باڈیز، انفارمیشن پالیسی ڈیپارٹمنٹ شامل ہوئے ۔ اس تقریب کا اہتمام ہندوستان میں روسوٹڑوڈینی چیسٹو کے نمائندہ دفتر کے تعاون سے کیا گیا۔
یہ تقریب ہندوستان-روس اسٹریٹجک پارٹنرشپ کی 25 ویں سالگرہ کی یاد میں منعقد کی گئی ، جو کہ دونوں ممالک کے درمیان وقت کی آزمائش اور "خصوصی اور مراعات یافتہ اسٹریٹجک پارٹنرشپ” میں ایک اہم سنگ میل ہے ۔ اس موقع پر اپنے خطاب میں ایس آئی سی ایس ایس ایل کی ڈائرکٹر ڈاکٹر اپرنا ورما نے خاص طور پر ابھرتے ہوئے عالمی چیلنجوں کے درمیان سیکورٹی، ہنگامی ردعمل اور انسانی امداد کے شعبوں میں ہندوستان-روس تعاون کی اہمیت پر روشنی ڈالی۔
انہوں نے کہا کہ یہ کانفرنس ہندوستان کی اسٹریٹجک شراکت داری کو مضبوط بنانے اور قومی اور علاقائی سلامتی میں تعاون کرنے والے تعلیمی اور پالیسی مکالموں کو فروغ دینے کے لیے آر آر یو کے عزم کی عکاسی کرتی ہے ۔