سرینگر/۲۴نومبر
وادی کشمیر میں سردیوں کے بادشاہ چالیس روزہ چلہ کلاں کی آمد کے قریب ایک ماہ قبل ہی ٹھٹھرتی سردیوں کا زور جاری ہے اور اس دوران سری نگر میں رواں سیزن کی ایک اور سرد ترین رات ریکارڈ ہوئی ہے ۔
محکمہ موسمیات کے ایک ترجمان کے مطابق گرمائی دارلحکومت سری نگر میں کم سے کم درجہ حرارت منفی۲ء۳ڈگری سینٹی گریڈ ریکارڈ ہوا ہے اور رواں موسم کی اب تک کی سرد ترین رات ریکارڈ ہوئی ہے ۔
سرینگر میں گذشتہ شب کا درجہ حرارت منفی۸ء۲ڈگری سینٹی گریڈ ریکارڈ ہوا تھا۔
وادی کے مشہور سیاحتی مقام پہلگام میں کم سے کم درجہ حرارت منفی۰ء۴ڈگری سینٹی گریڈ ریکارڈ ہوا ہے جبکہ وادی کے دوسرے مشہور سیاحتی مقام گلمرگ میں شبانہ درجہ حرارت منفی۹ء۱ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت منفی۲ء۳ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی۵ء۲ڈگری سینٹی گریڈ ریکارڈ ہوا ہے ۔
جنوبی کشمیر کے شوپیاں، پلوامہ اور کولگام اضلاع میں کم سے کم درجہ حرارت بالترتیب منفی۱ء۵ڈگری سینٹی گریڈ، منفی۰ء۵ڈگری سینٹی گریڈ اور منفی۴ء۱ڈگری سینٹی گریڈ ریکارڈ ہوا ہے ۔
شمالی کشمیر کے بارہمولہ، اور بانڈی پورہ اضلاع میں کم سے کم درجہ حرارت بالترتیب منفی۶ء۴ڈگری سینٹی گریڈ اور منفی۳ء۳ڈگری سینٹی گریڈ ریکارڈ ہوا ہے ۔
وسطی کشمیر کے بڈگام اور گاندر بل اضلاع میں کم سے کم درجہ حرارت بالترتب منفی۴ء۳ڈگری سینٹی گریڈ اور منفی۵ء۲ڈگری سینٹی گریڈ ریکارڈ ہوا ہے ۔
وادی کے سیاحتی مقام سونہ مرگ میں کم سے کم درجہ حرارت منفی۲ء۳ڈگری سینٹی گریڈ جبکہ زوجیلا پاس پر کم سے کم درجہ حرارت منفی۰ء۱۶ڈگری سینٹی گریڈ ریکارڈ ہوا ہے ۔
مرکزی زیر انتظام علاقہ لداخ کے لیہہ اور کرگل اضلاع میں کم سے کم درجہ حرارت بالترتیب منفی۲ء۸ڈگری سینٹی گریڈ اور منفی۶ء۸ڈگری سینٹی گریڈ ریکارڈ ہوا ہے جبکہ سائبیریا کے بعد دنیا کے دوسرے سرد ترین علاقہ دراس میں کم سے کم درجہ حرارت منفی۳ء۱۰ڈگری سینٹی گریڈ ریکارڈ ہوا ہے ۔
محکمہ موسمیات کے مطابق وادی میں۱۰دسمبر تک موسم میں بڑے پیمانے پر کسی تبدیلی کا کوئی امکان نہیں ہے تاہم سردیوں کا زور بڑھ سکتا ہے ۔
محکمہ موسمیات کی پیش گوئی کے مطابق وادی کشمیر میں۱۰دسمبر تک موسم میں بڑے پیمانے پر کسی تبدیلی کا کوئی امکان نہیں ہے ۔
متعلقہ محکمے کے ایک ترجمان نے بتایا کہ وادی میں ۲۴نومبر سے یکم دسمبر تک موسم عام طور پر خشک رہنے کا امکان ہے ۔
ترجمان نے کہا کہ۲دسمبر کو موسم عام طور پر ابر آلود رہنے کے ساتھ دوپہر کے بعد پہاڑی علاقوں میں کہیں کہیں ہلکی برف باری کی توقع ہے ۔
ان کا کہنا ہے کہ بعد ازاں وادی میں۳دسمبر سے۱۰دسمبر تک ایک بار پھر موسم خشک رہنے کا امکان ہے ۔
محکمے نے اپنی ایڈوائزری میں کہا کہ اس دوران وادی کے کئی علاقوں میں صبح کے وقت ہلکی دھند چھائی رہ سکتی ہے جبکہ جموں صوبے میں بھی کہیں کہیں صبح کے وقت ہلکی دھند چھائی رہ سکتی ہے ۔
ترجمان نے کہا کہ وادی میں اگلے ایک ہفتے کے دوران درجہ حرارت میں ایک سے۲ڈگری کی گراوٹ ریکارڈ ہونے کا امکان ہے ۔
۔۔۔۔۔۔۔۔۔۔۔
