سردیوں کا زور جاری:سرینگر میں شبانہ درجہ حرارت میں مزید گرواٹ

سرینگر/۱۳؍نومبر
وادی کشمیر میں خشک موسم کے بیچ سردیوں کا زور مسلسل بڑھ رہا ہے جس نے لوگوں کو سردیوں کے باد شاہ چالیس روزہ چلہ کلان کی آمد سے پہلے ہی گوناگوں مشکلات سے دوچار کر دیا ہے ۔
محکمہ موسمیات کے مطابق گرمائی دارلحکومت سری نگر میں رواں موسم کی ایک اور سرد ترین ریکارڈ ہوئی جب شبانہ درجہ حرارت منفی۱ء۲ڈگری سینٹی گریڈ ریکارڈ کیا گیا۔
سری نگر میں گذشتہ شب کا درجہ حرارت منفی۶ء۱ڈگری سینٹی گریڈ ریکارڈ ہوا تھا۔
وادی میں سیاحتی مقام پہلگام سرد ترین مقام رہا ہے جہاں کم سے کم درجہ حرارت منفی۸ء۳ڈگری سینٹی گریڈ ریکارڈ ہوا ہے ۔ ایک اور سیاحتی مقام گلمرگ میں کم سے کم درجہ حرارت منفی۵ء۰ڈگری سینٹی گریڈ ریکارڈ ہوا ہے ۔
شمالی ضلع کپوارہ میں شبانہ درجہ حرارت منفی۲ء۲ڈگری سینٹی گریڈ ریکارڈ ہوا ہے جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی۵ء۱ڈگری سینٹی گریڈ ریکارڈ ہوا ہے ۔
محکمہ موسمیات کے مطابق وادی میں۱۵نومبر تک موسم عام طور پر خشک رہنے کا امکان ہے ۔ایجنسیز