بی جے پی اقتدار کا مطلب بدعنوانی کا’بھنڈار’: اکھلیش یادو

لکھنؤ 04 نومبر (یواین آئی)آمدنی سے زیادہ اثاثوں کے معاملے میں پھنسے معطلڈپٹی سپرنٹنڈنٹ آف پولیس (ڈی ایس پی) رشی کانت شکلا اور مافیا اکھلیش دوبے کے معاملے پر سماج وادی پارٹی (ایس پی) کے صدر اکھلیش یادو نے بھارتیہ جنتا پارٹی (بی جے پی) کو ہدف تنقید بناتے ہوئے کہا ہے کہ یوگی حکومت کے گڈ گورننس (اچھی حکمرانی) کے دعووں کی آئے دن پول کھل رہی ہے اور ہر محکمے میں دلالوں اور رشوت خوری عروج پر ہے ۔
اکھلیش یادو نے منگل کے روز ‘ایکس’ (سابقہ ٹویٹر) پر لکھا کہ "جن کے قریبی اور معاون افسر کے پاس 100 کروڑ روپے کی ناجائز جائیداد ملی ہے ، سوچئے ان کے پاس خود کتنی دولت ہوگی اور ان کے اس ‘اُوپر والے ‘ کے پاس کتنی، جن کی سرپرستی اور آشیرواد سے وہ اب تک کارروائی سے بچے ہوئے ہیں۔”
انہوں نے کہا کہ "بی جے پی کے ‘گڈ گورننس’ کے دعوے اب کھوکھلے ثابت ہو چکے ہیں۔ ہر محکمے میں گھپلے ہر سطح پر رشوت خوری اور ہر جگہ دلالوں کا راجقائم ہے ۔” اکھلیش یادو نے کہا کہ بھاجپا راج کا اصل مطلب ہے کرپشند کا بھنڈار، جس میں عوام کی محنت کی کمائی لوٹنے کی کھلی چھوٹ دی جا رہی ہے ۔
کانپور کے اکھلیش دوبے کو لے کر ایس پی سربراہ ان دنوں کافی سخت موقف اختیار کیے ہوئے ہیں۔ ابھی گزشتہ دنوں پریس کانفرنس کے دوران انہوں نے کہا تھا کہ اس حکومت میں کرپشن عروج پر ہے ۔ وکاس دوبے کی گاڑی اس لیے پلٹائی گئی تھی کہ کہیں حکومت نہ پلٹ جائے ، اب اکھلیش دوبے کو بچایا جا رہا ہے ۔”
واضح رہے کہ رشی کانت شکلا کانپور نگر پولیس میں طویل عرصے تک تعینات رہے ہیں۔ پولیس محکمے میں آنے کے بعد اپنے ابتدائی دنوں میں وہ 1998 سے 2006 تک اور انچارج انسپکٹر کے طور پر دسمبر 2006 سے 2009 تک تقریباً 10 سال سے زیادہ عرصے تک کانپور نگر میں تعینات رہے ۔ ڈپٹی سپرنٹنڈنٹ آف پولیس کے عہدے پر ترقی کے بعد انہیں اناؤ میں تعیناتی ملی اور فی الحال وہ مین پوری میں تعینات ہیں۔