اونتی پورہ پولیس نے ۸ مفرور ملزمان کو گرفتار کیا

سرینگر/۳نومبر
پولیس اونتی پورہ نے ایک بڑی کارروائی کے دوران آٹھ ایسے مفرور افراد کو گرفتار کیا ہے جو برسوں سے قانون کی گرفت سے بچنے کی کوشش کر رہے تھے ۔
یہ گرفتاریاں پولیس اسٹیشن پانپور کی حدود میں مختلف مقدمات میں مطلوب ملزمان کے خلاف عمل میں لائی گئیں۔
جن مفرور ملزمان کو گرفتار کیا گیا ان کی شناخت ندیم احمد ڈار ولد عبد الرحیم ساکن درنگبل پانپور، محمد حسین صوفی ولد غلام محمد ساکن درنگبل پانپور،منیر احمد بھٹ ولد جلال الدین ساکن درنگبل پانپور،مدثر احمد صوفی ولد محمد سلطان ساکن نمبل بل پانپور،مظفر احمد گنی ولد عبدالرشید ساکن بافینا پانپور،ظہیر احمد میر ولد محمد سلطان ساکن کدل بل پانپور،محمد آصف ڈار ولد عبد الرحیم ڈار ساکن درنگبل پانپور،مدثر احمد لانگو ولد محمد اسماعیل ساکن کدل بل پانپور کے بطور ہوئی ہے ۔
پولیس بیان کے مطابق، یہ افراد مختلف مجرمانہ مقدمات میں ملوث تھے اور طویل عرصے سے گرفتاری سے بچنے کے لیے روپوش تھے ۔
ایس ایچ او پولیس اسٹیشن پانپور، انسپکٹر خالد فیاض کی سربراہی میں ایک خصوصی ٹیم تشکیل دی گئی، جس نے ایس ڈی پی او پانپور آر پی سنگھ کی نگرانی میں چھاپہ ماری کرتے ہوئے مختلف علاقوں سے تمام ملزمان کو گرفتار کرلیا۔ بعد ازاں انہیں عدالت کے روبرو پیش کیا گیا۔
پولیس ترجمان نے بتایا کہ’’یہ کارروائی اونتی پورہ پولیس کی ان مسلسل کوششوں کا حصہ ہے جن کا مقصد طویل عرصے سے مفرور افراد کو گرفتار کر کے قانون کی عمل داری کو یقینی بنانا ہے ‘‘۔
ترجمان نے مزید کہا کہ پولیس کا عزم ہے کہ کوئی بھی مجرم قانون کے شکنجے سے نہیں بچ سکے گا، اور اس نوعیت کی کارروائیاں مستقبل میں بھی جاری رہیں گی تاکہ خطے میں امن و قانون کی فضا مستحکم رہے ۔ایجنسیز