اودھم پور میں منشیات فروش گرفتار، چرس بر آمد:پولیس

جموں/۳نومبر
منشیات کے خلاف کریک ڈاؤن کو جاری رکھتے ہوئے جموں و کشمیر پولیس نے ضلع اودھم پورمیں ایک منشیات فروش کو گرفتار کرکے اس کے قبضے سے چرس جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس اسٹیش چننی کی ایک ٹیم نے معمول کی گشت کے دوران چھمپاری لنک روڈ پر ایک شخص کو دھر لیا جس نے پولیس کو دیکھ کر فرار ہونے کی کوشش کی تھی۔
انہوں نے کہا کہ تلاشی کے دوران اس کے پاس سے۸۲ء۶۰گرام چرس بر آمد کیا گیا جس کے بعد اس کو موقع پر ہی گرفتار کیا گیا۔
گرفتار شدہ کی شناخت ترلوچن دت ولد ہنس راج ساکن سمرولی اودھم پور کے طور پر کی گئی۔
پولیس ترجمان نے بتایا کہ اس ضمن میں پولیس اسٹیشن چننی میں این ڈی پی ایس کی متعلقہ دفعات کے تحت زیر ایف آئی آر نمبر۲۰۲۵/۱۱۱؍ایک مقدمہ درج کیا گیا اور مزید تحقیقات شروع کی گئی۔
انہوں نے کہا کہ پولیس ضلع سے منشیات کے خاتمے کو یقینی بنانے کیلئے پر عزم ہے ۔ایجنسیز