کھرگے اور پرینکا نے چھٹھ پوجا پرسب کو مبارکباد دی

نئی دہلی، 27 اکتوبر (یو این آئی) کانگریس کے صدر ملکارجن کھرگے اور پارٹی کی جنرل سکریٹری پرینکا گاندھی واڈرا نے چھٹھ ورت رکھنے والوں کواحترام پیش کرتے ہوئے چھٹھ پوجا کی مبارک باد دی۔
مسٹر کھرگے نے اپنے پیغام میں کہا کہ ”فطرت کی اہمیت اور عقیدت کے جذبے کا عکاس،حیاتِ نو عطا کرنے والے اور طاقت کے سرچشمہ سورج دیو کی پوجا کے تہوار چھٹھ کی سبھی کو دلی مبارکباد۔”انہوں نے کہا کہ ”ہماری عظیم تہذیب غروب ہوتے اور طلوع ہوتے سورج، دونوں کو یکساں عقیدت اور احترام دیتی ہے ، جو یہ ظاہر کرتا ہے کہ فطرت کا ہماری ہندوستانی زندگی میں کتنا گہرا اور وسیع مقام ہے ۔ یہ مقدس موقع سب کی زندگی میں نئی توانائی، جوش اور بے پناہ خوشی لے کر آئے ، یہی میری دعا ہے ”۔
محترمہ پرینکا نے کہا کہ ”دکھ دور کریں چھٹھی میّا، آپ ہی ہمارا آسرا ہیں، سب کی مرادیں پوری کریں، ہماری بھی پکار سنیں۔ سورج دیو اور چھٹھی ماں کی اُ پاسنا۔ فطرت کی پوجا اور عوامی عقیدت کے تہوار چھٹھ پوجا کی دلی مبارکباد۔ اس مقدس موقعے پر میں سبھی ورت رکھنے والوں کو احترام پیش کرتی ہوں چھٹھی میا سب کی زندگی میں سکھ ، شانتی اور خوش حا لی لائیں ۔ جئے چھٹھی میا!