اننت ناگ پولیس نے۱۰ برسوں سے فرار دو ملزم گرفتار کیا

سرینگر/۲۴؍اکتوبر
اننت ناگ پولیس نے کلکتہ سے تعلق رکھنے والے دو ملزموں کو گرفتار کیا ہے جو دس برسوں سے گرفتاری سے بچ رہے تھے ۔
ایک پولیس ترجمان نے کہا کہ یہ گرفتاریاں عشمقام پولیس اسٹیشن کے ایک ٹیم کی مسلسل کوششوں، معتبر خفیہ معلومات کے حصول اور انتھک محنتوں کا نتیجہ ہے ۔
ترجمان نے بتایا کہ گرفتار شدگان میں عارف احمد شیخ ولد سلیمان شیخ ساکن تگڑی نذیر پور، کلکتہ جو پی آر سی کے دفعات۳۸۰/۴۵۴کے تحت درج ایف آئی آر۲۰۱۳/۳۹میں مطلوب تھا جبکہ دوسرے ملزم کی شناخت محمد شمیم شیخ ولد منٹو شیخ ساکن کالا چوک، تگڑی نذیر پورہ، کلکتہ کے طور پر ہوئی ہے جو پی آر سی کے دفعات۳۸۰/۴۵۴کے تحت درج ایف آئی آر نمبر۲۰۱۳/۴۷میں مطلوب تھا۔ انہوں نے کہا کہ دونوں ملزمان چوری اور نقب زنی کے الگ الگ مقدمات میں ملوث تھے اور سال۲۰۱۴سے گرفتار سے بچنے کے لئے مفرور تھے ۔
ان کا کہنا ہے کہ قابل اعتماد اطلاع ملنے پر اور تکنیکی و انسانی نگرانی کے بعد پولیس ٹیم نے انتہائی محنت سے دونوں کا سراغ لگا کر انہیں گرفتار کیا۔