وزیر اعظم مودی، امیت شاہ جموں و کشمیر کی ریاستی حیثیت بحال کرنے کے پابند

بڈگام/۲۳؍ اکتوبر
بھارتیہ جنتا پارٹی (بی جے پی) کے قومی جنرل سیکرٹری ترن چْگ نے آج کہا کہ وزیر اعظم نریندر مودی اور مرکزی وزیر داخلہ امیت شاہ جموں و کشمیر کی ریاستی حیثیت بحال کرنے کے لیے پوری طرح پرعزم ہیں۔
بڈگام میں ایک عوامی ریلی کے موقع پر صحافیوں سے گفتگو کرتے ہوئے چْگ نے کہا، ’’بھارتی وزیر اعظم نریندر مودی اور وزیر داخلہ امیت شاہ ریاستی حیثیت بحال کریں گے۔ ریاستی حیثیت لازمی طور پر جموں و کشمیر کو واپس ملے گی۔‘‘
چگ نے وزیر اعلیٰ عمر عبداللہ پر الزام عائد کیا کہ وہ عوام کو یہ کہہ کر گمراہ کر رہے ہیں کہ لیفٹیننٹ گورنر (ایل جی) طرز حکمرانی میں رکاوٹ ہیں۔ چْگھ نے کہا، ’’صرف پولیس محکمہ ایل جی کے ماتحت ہے، جبکہ تمام دیگر محکمے خود عمر عبداللہ کے کنٹرول میں ہیں۔ وہ اپنی ناکامیوں پر پردہ ڈالنے کے لیے عوام سے جھوٹ بول رہے ہیں۔‘‘
انہوں نے کہا’’عمر سرکار کا۲۰فیصد وقت گذر گیا اب بھی وہ ترقیاتی کام نہیں کرے گی تو پھر کب کرے گی‘‘۔
ان خیالات کا اظہار چگ نے جمعرات کو وسطی ضلع بڈگام میں پارٹی کے ایک جلسے کے موقع پر نامہ نگاروں کے ساتھ بات بات چیت کے دوران کیا۔
بی جے پی لیڈر نے کہا’’عمر عبداللہ نے بڈگام کے عوام کے ساتھ دھوکہ کیا ہے اور اب وہ بی جے پی کے امیدوار آغا محسن کو ووٹ دے کر اس کا جواب دیں گے ‘‘۔
عمر عبداللہ کی طرف مخاطب ہو کران کا کہنا تھا’’میں عمر عبداللہ سے پوچھنا چاہتا ہوں کہ آپ کی سرکار کے۳۷۵دن مکمل ہوگئے لیکن ابھی تک آپ نے اپنے منشور کا ایک وعدہ بھی پورا نہیں کیا‘‘۔
چگ نے کہا’’عمر عبداللہ جھوٹ بولتے ہیں کہ ایل جی سرکار انہیں کچھ کرنے نہیں دیتی ہے ، پولیس کے سوا تمام محکمے ان کے پاس ہیں، انہوں نے ایوان میں ترقیاتی کام کرنے کا کون سا ایسا فیصلہ کیا جس کو روکا گیا‘‘۔
بی جے پی لیڈر نے کہا’’جو لال بتی والی گاڑیاں عمر عبداللہ کے وزراء کے پاس ہیں وہ انہیں عوام نے ترقی کیلئے دی ہیں‘‘۔ ان کا کہنا تھا’’عمر عبداللہ سرکار میں بیٹھے کچھ لوگ بھی یہ مانتے ہیں کہ منشور کا ایک بھی وعدہ پورا نہیں کیا گیا‘‘۔
بعض سیاحتی مقامات ابھی بھی بند ہونے کے بارے میں پوچھے جانے پر بی جے پی لیڈر نے کہا’’عمر عبداللہ سیاحت کیلئے کوئی بھی نیا پروجیکٹ نہیں لا سکے ،جموں و کشمیر بین الاقوامی سطح کا سیاحتی مقام بنے اس کے لئے وزیر اعظم نریندر مودی اور بی جے پی پر عزم ہیں‘‘۔
چگ نے کہا کہ عمر عبداللہ سرکار کا۲۰فیصد وقت گذر چکا ہے اب وہ کام نہیں کریں تو پھر کب کریں گے ۔
نگروٹہ سیٹ کے بارے میں پوچھے جانے پر ان کا کہنا تھا’’اس سیٹ پر آنجہانی رویندر رانا کی بیٹی بھاری اکثریت سے کامیابی حاصل کرے گی۔
ندائے مشرق خبر‘‘
۔۔۔۔۔۔۔۔