سرینگر/۲۱؍اکتوبر
جموں وکشمیر کے وزیر اعلیٰ عمر عبداللہ نے منگل کے روز پولیس یادگاری دن کے موقع پر پولیس شہدا کو شاندار خراج عقیدت پیش کیا۔
واضح رہے کہ ڈیوٹی کے دوران اپنی جانوں کا نذرانہ پیش کرنے والے پولیس اہلکاروں کی بہادری اور اعلیٰ قربانیوں کو خراج عقیدت پیش کرنے کے لیے پولیس میموریل زون سری نگر میں منگل کے روز پولیس یادگاری دن منایا گیا۔
وزیر اعلیٰ کے دفتر کے ’ایکس‘ہینڈل پر ایک پوسٹ میں کہا گیا’’وزیر اعلیٰ نے آج زیون سری نگر میں پولیس یادگاری دن کے موقع پر پولیس شہدا کو شاندار خراج عقیدت پیش کیا‘‘۔
پوسٹ میں مزید کہا گیاؔؔانہوں نے فرض کی ادائیگی کے دوران پولیس اہلکاروں کی طرف سے دی گئی عظیم قربانیوں کو خراج تحسین پیش کیا۔‘‘
اس سے پہلے جموںکشمیر کے لیفٹیننٹ گورنر منوج سنہا نے پولیس یادگاری دن پر پولیس شہدا کو شاندار خراج عقیدت پیش کیا۔
سنہا نے ان بہادر جوانوں کی بے لوث خدمات کو سراہا جو آج بھی ملک کی سالمیت اور شہریوں کی حفاظت کو یقینی بنانے کے لئے کوشاں ہیں۔
واضح رہے کہ ملک میں ہر سال۲۱؍اکتوبر کو پولیس یادگاری دن کے طور پر منایا جاتا ہے ۔
ایل جی سنہا نے اس دن کی مناسبت سے ’ایکس‘پر اپنے ایک پوسٹ میں کہا’’پولیس یادگاری دن کے موقع پر ہم تمام پولیس شہیدا کی یاد میں سر تعظیم خم کرتے ہیں‘‘۔
ایل جی نے پوسٹ میں مزید کہا’’ہم ان بہادر پولیس اہلکاروں کو شکر گذاری کے ساتھ یاد کرتے ہیں جو قوم کی سالمیت اور شہریوں کی حفاظت کو یقینی بنانے کے لئے بے لوث خدمات انجام دے رہے ہیں‘‘۔
(ڈی آئی پی آر)
