بھجن لال نے مکھیہ منتری کسان سمان ندھی یوجنا’ کی چوتھی قسط کسانوں کو منتقل کی

بھرت پور، 18 اکتوبر (یو این آئی) راجستھان کے وزیر اعلی بھجن لال شرما نے ہفتہ کو بھرت پور ضلع کے ندبئی کے زرعی پیداوار بازار میں ‘مکھیہ منتری کسان سمان ندھی یوجنا’ کے تحت منعقد ریاستی سطح کے پروگرام میں ریاست کے کسانوں کو چوتھی قسط کی رقم منتقل کی۔
اس موقع پر مسٹر شرما نے کہا کہ ریاست میں ڈبل انجن والی حکومت کسانوں کی خوشحالی کے لئے دوہری طاقت کے ساتھ کام کر رہی ہے ۔ اس موقع پر آبی وسائل کے وزیر سریش سنگھ راوت، تعاون کے وزیر مملکت گوتم کمار دک، وزیر مملکت برائے داخلہ جواہر سنگھ بیدھم، ایم ایل اے کنور جگت سنگھ، بہادر سنگھ کولی، ڈاکٹر شیلیش سنگھ، ڈاکٹر ریتو بناوت، نوکشم چودھری، رمیش کھِنچی، عوامی نمائندے اور بڑی تعداد میں کسان موجود تھے ۔
مسٹر شرما کے پنڈال میں پہنچنے پر مقامی لوک فنکاروں نے ڈھول بجا کر ان کا استقبال کیا۔